الزغبى فلاح يقول للحكومة: ياريت تاخدوا الأرض وتأكلونا وتشربونا

الزغبى عبدالعزيز إبراهيم 62 سنة، فلاح مقيم بعزبة سعد بغدادى بمحافظة الغربية، لدية ثلاثة أبناء محمد 23 سنة، وعزيزة 20 سنة، ونشوى 18 سنة ووالدتهم.

يستأجر الزغبى، مساحة فدان ونصف، لم تعد شمس الحصاد وحدها تلفح وجهه، وإنما لهيب أسعار الأسمدة، وأسعار المازوت، وأسعار المبيدات، ومطالب المالك، وفوق كل ذلك تأتى تكاليف المعيشة، الأمر الذى دفعه للقول، ياريت الحكومة تيجى تاخد الأرض وتأكلنا وتشربنا.

ويواصل الزغبى قائلا: مشاكل الفلاحين كتيرة هنقول إيه ولا إيه أيام وبنقضيها، وأهى عيشة والسلام، وبنمشى على أد حالنا وبنعيش رزق يوم بيوم، دلوقتى المحصول مابيجبش همه، والفدان بيتأجر من 3آلاف لـ5000 جنيه، وبيجيب 3 طن رز، وبنحسبها 3 طن فى 800 جنيه بـ 2400 مغطاش قيمة الإيجار بخلاف الزراعة والرى والأسمدة وشغل طول السنة، يعنى عيشة خراب بيوت، وهنعمل إيه ولا إيه، ربنا يسترها معانا ونلاقى حد يتولانا.

لمعلوماتك...
>> 5 ملايين فلاح يعولون 5 ملايين أسرة مثل الزغبى- وفق دراسة أعدها باحث بمركز البحوث الزراعية- موزعون على 6218 جمعية زراعية. يواجه قرابة 700 ألف منهم خطر السجن بسبب ديونهم