كل يوم حوادث
هو فيه إيه كل يوم حوادث
على الأرض دمنا ولا حد بينا حاسس
هى أرضنا ضاقت خلاص علينا
ولا أمنا مشتاقة لدموع عنينا
لا نسلم من طريق ماشيينه على رجلينا
ولا ننفد من حريق اتسببوا فيه أهالينا
سواق الميكروباص سايق من غير إحساس
وسواق القطر ماله إيه اللى كمان جرى له
يا للى إنت يوم مسئول ضميرك بإيه مشغول
خاف يوم على اللى ليك لتبقى فى الحزن شريك
وتشارك فى همهم وتبكى يوم دمعهم
خافوا بقى على الناس وما تشتكوش هجرهم
المصرى مش ضعيف ولا هو كمان غبى
بيآسى علشان رغيف وبالعزه أبى
حافظوا بقى عليه ماتسرقوش نوم عينيه
واللى إداهولك ربك ممكن ياخده بإيديه
ارفع راسك وسط أحفادك واحكيلهم على إنجازاتك
قول لهم جدكم كان وزير فى زمان كله ضمير
عملت بكل جهدى ولا يوم فضلت أمير على غفير
• بكالوريوس إعلام
مشاركة
اضف تعليقاً واقرأ تعليقات القراء
مشاركة
