آسف على الازعاج وشكرا

من صغرى وأنا عايز انضرب
عايز انسكع على وشى يمكن اتعدل
عايز اتحدف بالجزمة يمكن اتعدل
جايز حالى ينصلح!
عارف نفسى ماليش كبير
ولكام سنة....فضلت أنا
فى الدنيا دي...أنا الكبير
كان نفسى حد يلمّني
بس حد يكون كبير
عايز اتلطش على قفايا
يمكن...أكيد..لابد يعنى
لابد حالى كان انصلح
وان مانصلحشى يبقى لازم
لازم تانى انضرب
وياريت كمان لو اتجلد
وياريت كمان لو اتسحل
وياريت كمان لو اتشنق
وياريت كمان لو اتفعص
تحت جزمة تكون كبيرة
عارف نفسى حالى مايل
عين بصيرة وايد طويلة
عايز ايد أطول وأطول
تمسكنى انا وتضربنى علقة
يمكن عينى تنكسر
يندب فيها ميت رصاصة
بس مش رصاصة طايشة
وساعتها حالى هينصلح
عايز انضرب وأقول كمان
يتشد شعرى واقول كمان
كام لوكامية واقول كمان
بالبوكس يعني...
ومافيش مايمنع شلووت كمان
ولو اتحدفت فى يوم بفردة
لامؤاخذة " شوز "...
هقول ياريت...
فردة كمان...
وانا عارف روحى بعدها
هتلم وامشى راسى لتحت
واقول تمام
" ولو ان يعنى عينى فاجرة.."
وهتبقى راسى مدلدلة
واعرف انام
بس مايمنعش بعدها
بيومين تلاتة...
علقة سريعة صغننة
ما انا عارف روحى اصلها
لو سبتها......
بتتمرع
احسن دوا للحالة دي
جزمة حلوة محندقة
يعنى كل يومين تلاتة
ومافيش ما يمنع...
تكون حريمى فى المرّة دي
وساعتها بس هقولكم...
آسف على الازعاج وشكرا.

أخوكم: ج بوش