فيسبوك
واتساب
من قلبى سلام لبيروت
وعلى ال جرى فيها
ولكل بلادى ال بتموت
ومحدش حاسس بيها
وسلام على الربيع العربي
وأزهاره ال بتنزف موت
وعبيرها ونيران وبارود
وأغصانها أطفال واقفة على هدم بيوت
وحصادها فراق وعداوة وسكوت
وسلام على قلوب جاحدين
ونفوس مرضانه وعقول غايبين
متعتهم سيلان الدم
صبحو على عروشها واقفين
وبدل ما يعلو رايتها
طمعوا فيها كل الخاينين
وكمان جاى واحد عثمانلى
فاكر نفسه صلاح الدين
عمال بيكمل فى خرابها
روح كدة هو احنا ناقصين
زمان أجدادك بغبائها
ضيعوا هيبة الاسلام والمسلمين
وعملوها تجارة لمصالحها
أنانية وطمع والكذب ملوش رجلين
لالبس قناع الدين وجى تقسمها
طب روح ساعد سوريا وحرر فلسطين
سلام على الأمة العربية بلاد الأديان والحضارات
مابين ظلم وطغيان ومطامع وعقول جاهلين.
ضاعت الوحدة العربية وأصبحنا متشتتين
