سميرة عبد العزيز: لا يهمنى الشغل من عدمه المهم يكون مناسب لأفكارى ومفيد للمشاهدين

تحدثت الفنانة القديرة سميرة عبد العزيز عن غيابها عن الشاشة طوال الفترة الماضية، موضحة فى مداخلة هاتفية لتليفزيون اليوم السابع، أنها لا تهتم بالشغل من عدمه بقدر إيجاد الدور المناسب لها ولأفكارها، وفى نفس الوقت تستطيع تقديم من خلاله شيء هادف للمشاهدين.

وقالت عبد العزيز فى مداخلة هاتفية لتليفزيون اليوم السابع: "مايهمنيش اشتغل ولا ما اشتغلش لازم يكون الشغل مناسب ليا ولأفكارى.. أنا الحمد لله ما عملتش أي حاجة أندم عليها.. ما اشتغلتش أي حاجة أنا مش مقتنعة بيها.. لازم تبقى كويسة ومفيدة للمشاهدين".

سميرة عبد العزيز: المخرجين الشباب مش بيشغلونى عشان يجيبوا أصحابهم

وأكدت الفنانة القديرة سميرة عبد العزيز، أن جيل المخرجين الشباب لا يتواصلوا معها على الإطلاق، معلقة فى مداخلة هاتفية لتليفزيون اليوم السابع: " المخرجين الشباب مش بيشغلونى عشان يجيبوا أصحابهم وليهم نظرية تانية فى الشغل، أنا مش بفهمها".

وأضافت عبد العزيز لتليفزيون اليوم السابع قائلة: "أنا درست المسرح بعد الجامعة، المعهد العالى للفنون المسرحية، والحمد لله طوال مشوارى الفني ما عملتش أي حاجة هايفة لو جاتلى حاجة كدة برفضها على طول".