خالد تاج الدين: أنغام هى أم كلثوم العصر و«مش قادرة» مافيهاش أى تلميحات خارجة

أعرب الشاعر خالد تاج الدين عن سعادته البالغة بنجاح أغنيته "مش قادرة"، للنجمة أنغام، والتى طرحتها قبل عدة أشهر، وعن محاولةانتقاد الأغنية من البعض والحديث عن كونها بها بعض التلميحات الغير لائقة، قال تاج الدين في مداخلة هاتفية لتليفزيون اليوم السابع: "أغنية مش قادرة مافيهاش أي حاجة والعياذ بالله.. مش قادرة إنها مش قادرة على بعده.. ساعات بنقول مش قادرة مثلا أكمل مش قادرة أنساك".

وأضاف تاج الدين لتليفزيون اليوم السابع: "الأغنية معناها، إن أنت عملت فيا كذا وكذا، وبرضه مش قادرة أنساك وبحبك برضه أعمل إيه.. وبعدين دى أنغام ياجماعة.. أنغام دى أم كلثوم العصر.. يعنى هنهزر مع أنغام.. هى عارفة كويس جدا بتختار إيه وبتقول إيه.. وقصدها إيه في الجملة دى.. وهنا فى الجملة دى قصدها إيه.. أنا بشتغل بس ومليش دعوة كل واحد بيقول إيه".

الشاعر خالد تاج الدين: حماقى قدم أغنية آن الآوان وكانت بتاعت عمرو دياب وأعتذر عنها بعد ما سجلها

وكشف الشاعر الغنائى خالد تاج الدين عن تكرار موقف الأغنية التي قدمتها النجمة لطيفة مؤخرا بعنوان "حلٌى حلٌى"، من كلماته، بعدما سجلها النجم عمرو دياب، وحذفها من ألبومه الأخير دون أن تعلم لطيفة بأى شئ.

وقال تاج الدين فى مداخلة هاتفية لتليفزيون اليوم السابع: "نفس الموقف حدث معى قبل 23 سنة من الآن فى أغنية "آن الآوان"، ضمن ألبوم "خلينا نعيش" للنجم محمد حماقى.. هى نزلت مع حماقى وبعدين اتسربت بصوت عمرو دياب.. بس مش عمرو اللى سربها طبعا حد من الأستوديو اللى سربها.. عمرو كان هيغنيها ولكن سابها في اللحظات الأخيرة، وده كان أول ألبوم خالص لـ محمد حماقى".