ميرفت أمين لـ اليوم السابع: وافقت على "كلهم بيحبوا مودى" مع ياسر جلال لهذا السبب

تحدثت النجمة الكبيرة ميرفت أمين عن آخر تواجد فنى لها خلال موسم دراما رمضان الماضى، من خلال مسلسل "كلهم بيحبوا مودى"، مع النجم ياسر جلال، وعن سر موافقتها على هذا المسلسل وسط اعتذارات أخرى كثيرة عن عدة أعمال فنية.

وقالت أمين فى مداخلة هاتفية لتليفزيون اليوم السابع: "الحمد لله إن الناس حبوا المسلسل والدور.. أما بتشتغل فترة طويلة أوى بيبقى صعب عليك تلاقى حاجة ما عملتهاش.. فلما جالى الورق ده.. أولا لقيت فيه دور جديد، والأستاذ ياسر جلال كلمنى وصمم إنى أنا اشتغل.. وقالى هتشوفى الدور ده هيعمل إيه مع الناس".

ميرفت أمين لليوم السابع: رجاء الجداوى بخفة دمها كانت حاجة حلوة أوى فى حياتى

استرجعت النجمة الكبيرة ميرفت أمين ذكرياتها مع صديقتها الفنانة الكبيرة الراحلة رجاء الجداوى، حيث حكت وهى متأثرة بشدة خلال مداخلة هاتفية لتليفزيون اليوم السابع، عن العديد من الذكريات التي جمعتهما، وذلك بالتزامن مع ذكرى رحيلها الـ6 التى حلت أمس الأحد 5 يوليو.

وقالت أمين في مداخلة هاتفية لتليفزيون اليوم السابع: "هى طبعا على طول جوة قلبى، ومعايا مش قادرة أقولك كانت أد إيه حلوة ومبتسمة على طول ومبسوطة على طول.. كانت حاجة حلوة أوى فى حياتى".

وعن أبرز المواقف التي جمعتهما، قالت النجمة ميرفت أمين لتليفزيون اليوم السابع: "كنا بنتحرك مع بعض في كل حتة.. في فيلم "أصعب جواز"، ده وهو أول تعاون يجمعنا كنا مع بعض ووقفت وقتها جنبى ووجهتنى.. وكانت نعم الأخت ونعم الصديقة.. مش هقول زميلة لإن وضعها بالنسبة لى حاجة تانية خالص".

وأضافت ميرفت أمين لتليفزيون اليوم السابع باكية: "إحنا كنا تلاتة.. فهى كانت جيبالى هدية كدة.. وكاتبة عليها "إحنا تلاتة دايما ونزعل أوى لو كنا اتنين".. يعنى أكتر من الكلام عليها أفلامها موجودة كلها.. كلها أفلام جميلة ومسلسلات جميلة.. وكانت بتحب الكوميدى أوى.. لإنها بطبيعتها بشوشة ودمها خفيف".