نرمين ماهر: عادل إمام خلى الناس تحبنى ولحد النهاردة شغلى معاه تريند

استرجعت الفنانة نرمين ماهر ذكريات بداياتها الفنية مع النجم الكبير عادل إمام في فيلم "السفارة في العمارة"، وتقديمها لشخصية "أوشين"، مضيفة الطيران.

وقالت الفنانة نرمين ماهر في مداخلة هاتفية لتليفزيون اليوم السابع: "أستاذ عادل إمام طلعنى للجمهور بتاعه.. أنا أول ماطلعت معاه فى أول مشهد، الناس كلها حبتنى بسبب ظهورى مع عادل إمام.. لحد النهاردة الموضوع ده تريند.. شخصية أوشين.. كانت أحلى فرصة فى حياتى إن أنا اشتغل معاه أول حاجة فى حياتى.. حاجة جامدة يعنى".

نرمين ماهر: الحمل والانجاب لطفلين وراء ابتعادى عن الفن وكان لازم أضحى عشانهم

أكدت الفنانة نرمين ماهر أن سبب ابتعادها عن الحياة الفنية خلال السنوات القليلة الماضية، وعلى مدار الـ 5 سنوات، هو سبب الحمل والانجاب لطفلين.

وقالت الفنانة نرمين ماهر في مداخلة هاتفية لتليفزيون اليوم السابع: "أنا سبب ابتعادى عن الفن إن أنا كنت حامل وخلفت يحيى.. وبعدين حملت تانى وخلفت "مِيا".. فانشغلت معاهم وبالحياة الأمومية والحياة العائلية.. والبيبى لسة في أوله فمستحيل أسيبه وأنزل اشتغل.. أنا شايفة تحت أى بند.. الأم مهما كانت نفسها في إيه أو بتحب الفن أو أي شيء آخر.. ما ينفعش تنزل من البيت غير لما طفلها الولد أو البنت يتموا سنتين وتطمن عليهم.. وأنا دلوقتى الحمد لله اتطمنت عليهم وكويسين الحمد لله.. و"مِيا" تمت سنتين ويحيى تم 5 سنين ".