نرمين ماهر: الحمل والإنجاب لطفلين وراء ابتعادى عن الفن وكان لازم أضحى عشانهم

أكدت الفنانة نرمين ماهر أن سبب ابتعادها عن الحياة الفنية خلال السنوات القليلة الماضية، وعلى مدار الـ 5 سنوات، هو سبب الحمل والانجاب لطفلين.

وقالت الفنانة نرمين ماهر في مداخلة هاتفية لتليفزيون اليوم السابع: "أنا سبب ابتعادى عن الفن إن أنا كنت حامل وخلفت يحيى.. وبعدين حملت تانى وخلفت "مِيا".. فانشغلت معاهم وبالحياة الأمومية والحياة العائلية.. والبيبى لسة في أوله فمستحيل أسيبه وأنزل اشتغل.. أنا شايفة تحت أى بند.. الأم مهما كانت نفسها في إيه أو بتحب الفن أو أي شيء آخر.. ما ينفعش تنزل من البيت غير لما طفلها الولد أو البنت يتموا سنتين وتطمن عليهم.. وأنا دلوقتى الحمد لله اتطمنت عليهم وكويسين الحمد لله.. و"مِيا" تمت سنتين ويحيى تم 5 سنين ".

نرمين ماهر: رجلى اتكسرت وأنا بجرى وراء طفلى وده اختبار من ربنا وأنا راضية

كشفت الفنانة نرمين ماهر عن سبب ظهورها بكرسى متحرك خلال الساعات الماضية، الأمر الذى أثار العديد من الأقاويل، وفى مداخلة هاتفية لتليفزيون اليوم السابع، قالت نرمين: الحمد لله.. الناس كلها سألت عليا أنا الحمد لله كويسة.. ابنى بيجرى وأنا بجرى وراه ولابسة كعب 5 سم .. فجأة لقيت رجلى اتقلبت الناحية التانية فحصلى كسر".