صاحب فيديو التريلا يوجه رسالة مؤثرة لمصور المقطع: ربنا يكرمك فى أولادك

وجه الأسطى عماد جلال، صاحب فيديو التريلا الشهير، رسالة خاصة إلى مصور مقطع الفيديو، وذلك بعد تحقيقه انتشارًا واسعًا بين رواد مواقع التواصل الاجتماعي خلال الساعات الماضية.

الأسطى عماد لمصور الفيديو: ربنا يكرمك في أولادك

وقال الأسطى عماد، ابن محافظة دمياط، في رسالته: "مكنتش عارف إنك بتصورني ولا شوفتك وقتها، لكن اللي عملته فرحني، وبجد متشكر ليك جدًا". وأضاف: "التصرف اللي قدمته كان تلقائيًا لما لمحت زميلي العربية بتميل، خفت عليه وعلى الناس الموجودة في الطريق، واتصرفت بسرعة، وكان همي أنقذهم.. ده التكريم الحقيقي".

واستكمل رسالته قائلًا: "ربنا يكرمك في أولادك، وعايز أشكرك، أنا معملتش حاجة تستحق كل ده، وأي حد مكاني كان هيتصرف كده.. المصريين كلهم جدعان".

صاحب فيديو التريلا: جزء من الفيديو بالذكاء الاصطناعي

وأكد الأسطى عماد أن جزءًا من الفيديو المتداول جرى إنتاجه باستخدام الذكاء الاصطناعي، موضحًا أن السيارة لم تتعرض لانفجار في الإطارات، وإنما كانت تحمل حمولة زائدة أدت إلى ميلها واحتمال سقوطها. وأضاف: "بداية الواقعة عند ظهور عربيتي بجوار عربية زميلي، وده الجزء الحقيقي من الفيديو، أما باقي المشاهد المنتشرة فقد تم تعديل جزء منها باستخدام الذكاء الاصطناعي".