حسن الرداد: بعد نجاحى فى الكوميديا كان لازم أغير مسارى مع «طه الغريب»

أكد النجم حسن الرداد لتليفزيون اليوم السابع، أن فيلمه الجديد "طه الغريب"، فيلم رومانسى يتطرق من خلاله لمنطقة سينمائية جديدة، موضحا أنه حريص على تقديم مختلف الخطوط الفنية للسينما والدراما، دون أن يقتصر ما يقدمه على الكوميدى أو الأكشن فقط.

تفاصيل فيلم طه الغريب لـ حسن الرداد

وقال الرداد لتليفزيون اليوم السابع: فيلم طه الغريب.. فيلم رومانسى، بقدمه عن رواية رومانسية حلوة جدا جدا الرواية لـ محمد صادق، عملت مبيعات كبيرة جدا.. الموضوع حلو أوى، وفيه تمثيل وفيه قصة حلوة، وفيه كاركترات حلوة أوى..  فأنا اتحمست له وحبيته لإن لازم إحنا كممثلين لازم نعمل أعمال مختلفة ومتنوعة.. ماينفعس إن الفنان أو بالنسبة لى، إن أنا ناجح في الكوميدى فأفضل أعمل كوميدى بإستمرار.. لازم أورى للجمهور نوع تانى.. يبدأ الجمهور يتعود على حاجات مختلفة.

وأضاف الرداد: أنا عشان دارس في المعهد العالى للفنون المسرحية، وخريج المعهد فكنت متعود إن إحنا بنعمل روايات كتير جدا.. عملت مسرحيات كتير جدا لـ أدب عربى وأدب عالمى.. فبشوف إن الفنان لازم يبقى عنده تنوع ما ينفعش إن هو يمشى على حاجة واحدة.. فأنا الحمد لله نجحت في الكوميدى ونجحت في الدراما والسينما.. وزى ما عملت كوميديا عملت جاد بعيد عنها.. طبعا هو أكتر حاجة بيكون ليها نجاح كبير في العالم كله هي الكوميدى والأكشن... بس بالنسبة لى أنا كممثل مش عايز أفضل أعمل كوميدى بشوف إن ده لو ممثل محدود يفضل يكرر الحاجة اللى نجح فيها مرة.

يذكر أن فيلم طه الغريب من بطولة حسن الرداد وتارا عماد وخالد الصاوى وتامر هشام وريتال عبد العزيز ومحمد على رزق، من تأليف الكاتب محمد صادق، وإنتاج حمد السبكى، وإخراج عثمان أبو لبن، ومن المقرر أن يتم تحديد موعد عرضه بالسينمات خلال الفترة المقبلة بعد الانتهاء من اللمسات الأخيرة في مرحلة الجرافيكس والمونتاج.

الفنان حسن الرداد

الفنان حسن الرداد

الفنان حسن الرداد

الفنان حسن الرداد

الفنان حسن الرداد

الفنان حسن الرداد

الفنان حسن الرداد