الرئيس السيسى يشهد افتتاح مشروع الدلتا الجديدة.. ويؤكد: ما تم تنفيذه فى قطاع الزراعة مدعاة لفخر المصريين.. تكلفة تجهيز 2.2 مليون فدان تصل إلى 800 مليار جنيه.. ويوفر 2 مليون فرصة عمل.. وإنشاء طرق جديدة 12 ألف كم

- الزراعة في مشروع الدلتا الجديدة تتم وفق خطة متكاملة لتعظيم الاستفادة

- إنشاء الترع في عهد محمد علي كان طبيعيا لكن الآن نتحرك عكس قوانين الطبيعة

- التنمية لا تنتهي والطموح لا ينتهي وتستمر الإنجازات والعمل بدون توقف

- الاكتفاء الذاتي في كل المحاصيل فكرة صعبة جدا ولازم نفهم الحكاية

أكد السيد الرئيس عبد الفتاح السيسي، أن مشروع الدلتا الجديدة يدعو للفخر والسعادة لأنه مشروع عملاق بأيدي المصريين، وطالب الرئيس السيسي، الدكتور بهاء الغنام، المدير التنفيذي لجهاز مستقبل مصر للتنمية المستدامة خلال فعاليات افتتاح مشروع الدلتا الجديدة، شرح التفاصيل الكاملة الخاصة بالمشروع بداية من اختيار الأرض وتجهيز البنية الأساسية، قائلا: "مش عايزك تستعجل.. احنا في زملاء موجودين معانا وإعلاميين ومستثمرين.. ارجع للخريطة بالقمر الصناعي واشرح كل التفاصيل للمواطنين".

وأضاف الرئيس السيسي، خلال فعاليات افتتاح مشروع الدلتا الجديدة التنموي المتكامل بالضبعة: "بنقول ده علشان نخلي المصريين يبقوا سعداء بأنفسهم أن اللى اتعمل فضل من ربنا كبير.. ومعاك وزارات الري والكهرباء والزراعة وفيه مليارات ادفعت في المشروع ده".

وتابع الرئيس السيسي: "لو دخلت على شرح الحفر في المشروع.. من غير ما نشرح براحة.. مساحة أرض ضخمة اتعمل فيها ترع ومسارات مياه وكهرباء وطرق .. عاوزين الملامح الرئيسية.. خد وقتك في الشرح .. هي دي الحكاية.. لما بقول كده لينا كلنا.. لكل اللى سامعين وبيشوفوا الكلام.. يكونوا سعداء مش علشان بهاء . بالبلد.. الكلام ده مش ممكن يعمل بدون المصريين وتضافر الأجهزة المختلفة".

كما طالب السيد الرئيس عبد الفتاح السيسي من الدكتور هاني سويلم وزير الري والموارد المائية عرض التفاصيل الخاصة بمحطات الري وتوفير المياه لمشروع الدلتا الجديدة، قائلا: "مهم اوي الناس تعرف أن المشروع ده علشان يتعمل.. مشروع كبير اوي.. 20 دقيقة لا تكفي للحديث عنه.. باختصار عاوزين نعرف المحطات والشبكات والمسارات شبكة الكهرباء والمحولات.. وتوفير الطاقة اللازمة.. وممكن نقول جزء من التكلفة.. الناس لو سمعت".

الدلتا الجديدة.. مشروع عملاق وحكاية كبيرة

وأكد الرئيس عبد الفتاح السيسي، أن مشروع الدلتا الجديدة عملاق وبه الكثير من التفاصيل الخاصة بالزراعة وتجهيز الأراضي ونقل المياه، متابعا: "عاوز اقولكم علشان ناخد مياه الصرف الزراعي.. 150 كيلو مسار تم حفره وتجهيزه ينقل المياه إلى محطة 3 يوليو "الدلتا الجديدة".. هذه المياه من قبل كانت تنزل في البحر المتوسط.. وتم استخدامها في الزراعة.. وتم إنشاء طرق جديدة بأطوال تصل إلى 12 ألف كم ".

وأضاف الرئيس السيسي خلال كلمته في افتتاح مشروع الدلتا الجديدة التنموي المتكامل: "هذه المياه نوفر لها معالجة ثلاثية ونحصل على كل مياه الصرف الزراعي عكس اتجاه الجاذبية.. علشان نعمل مشروع كبير اوي.. نجيب 150 كيلو .. محطات رفع عملاقة وحكاية كبيرة اوي.. لا نبخس المشروع ولا حقه.. ممكن نجيب محطة واحدة فقط ونشوف صورتها وتعرفوا أن المحطة دي منها 13 محطة أو 15 في جزء واحد شمال مع حفر 150 كيلو وبنتكلم عن 300 مسار يخش على المحطات ويتعمل محطات لزراعة 2.2 مليون فدان.. شبكة كهرباء أيضا وشبكة كهرباء داخلية.. أكثر من 100 ألف برج كهرباء لصالح هذا المكان".

أكد الرئيس عبد الفتاح السيسي أن البنية التحتية للفدان الواحد في مشروع الدلتا الجديدة تتكلف ما بين 350 – 400 جنيه وبالتالي تكلفة المشروع تصل إلى 800 مليار جنيه، متابعا: "بنتكلم في رقم كبير اوي لتجهيز الأراضي بشكل كامل.. توفير بنية تحتية كاملة علشان يكون عدنا 2.2 مليون فدان صالح للزراعة".

مشروع الدلتا الجديدة يوفر 2 مليون فرصة عمل

أكد الرئيس عبد الفتاح السيسي، أن مشروع الدلتا الجديدة يوفر 2 مليون فرصة عمل، متابعا: "لازم نقدم هذا المشروع بالشكل الذي يليق به.. التكلفة 800 مليار جنيه بمشاركة كل الوزرات.. فيه تفاصيل خاصة بالمشروع بقالنا 3 سنين شغالين عليها".

وأضاف الرئيس السيسي، خلال كلمته في افتتاح مشروع الدلتا الجديدة: "عملية التنمية محتاجة جهد وعمل وإخلاص من كل الأجهزة.. الأمل والعمل.. مش الأمل بس.. علشان يتعمل الكلام ده العصر الحديث ده.. من 200 سنة وأكثر حبوا يعملوا نظم الري أيام محمد علي.. انا قولت الكلام ده قبل كده.. استخدم مسار طبيعي خالص للمياه وشق الترع والمصارف.. وفق تدرج طبيعي للمياه.. لا كان محتاج كهرباء أو معدات رفع.. والمياه في مسارها.. مفيش تاني ومفيش أماكن تاني.. اتحركنا واشتلنا عكس قوانين الطبيعة "من الواطي إلى العالي".. نجمع المياه وتنزل بعد كده في من أجل الزراعة حوالي 450 -500 ألف فدان".

وتابع الرئيس السيسي: "هناك مسار لرفع المياه من النيل.. ثم تضخ بمحطات رفع وعندنا حوالي 14 – 15 محطة.. بطول 130 كليو.. ده كلام كبير اوي.. علشان أقول عندي 2 مليون فدان قابلين للزراعة.. معاهم فرص عمل مستقرة مش عمالة مؤقتة.. فرص عمل مستقرة.. وعندنا أكثر من 150 شركة زراعة تعمل في هذا المشروع.. شركات القطاع الخاص هي اللى تعمل في هذا المشروع.. وكل شركة حسب قدرتها".

أكد الرئيس عبد الفتاح السيسي، أن الزراعة في مشروع الدلتا الجديدة تتم وفق خطة زراعة متكاملة، بمشاركة القطاع الخاص والمستثمرين، متابعا: "يتم التخطيط للزراعة وفق حجم ونوع معين من المحاصيل.. تجود في الأراضي الصحراوية.. وانتاجها أفضل من الأراضي الطينية.. وعلي سبيل المثال.. لما تزرع البنجر في أراضي الدلتا القديمة الإنتاج يكون مختلف.. ونفس المثال على القمح .. مشروع الدلتا فيه 500 ألف فدان قمح.. ونهدف إلى مليون فدان جديدة قمح لحل المسألة.. لو بنتج القمح في الأراضي الطينية إنتاجها أفضل من الإنتاج الصحراوية.. تغيير وإحلال البنجر في الدلتا الجديدة والقمح في الأراضي الطينية وبالتالي تعظيم المنتج".

وأضاف الرئيس السيسي: "بالتالي نزرع محاصيل محددة لتعظيم الإنتاج وفيه بعض المحاصيل الاستراتيجية هنضطر نزرعها علشان نعمل انتاج كويس.. لو عندي ألف فدان في الأراضي الدلتا القديمة مثل القمح والذرة الإنتاج هيكون أكثر من الأراضي الصحراوية.. ننمط الإنتاج طبقا لرؤية الدولة وتقديمها تحقق بها متطلبات لصالح الدولة والمواطنين".

أكد الرئيس عبد الفتاح السيسي، أن الكثير من الدول لا يكون عندها اكتفاء ذاتي كامل من المحاصيل الزراعية على الأقل في دولة مثل مصر، متابعا: "مفيش اكتفاء ذاتي لكل المحاصيل.. بتكلم عن بلدنا.. مهما عملت لا يمكن أن نحقق اكتفاء ذاتي.. بتكلم عن الوعي ونعرف ونفهم الحكاية".

وأضاف الرئيس السيسي، خلال كلمته في افتتاح مشروع الدلتا الجديدة التنموي المتكامل: "يعني مش ممكن لو حطيت 2- 3 مليون فدان زيادة.. فوق اللى موجودين دول.. هل تقدر تحقق اكتفاء ذاتي كامل لـ 110 مليون انسان؟!.. اتمني بس ده مش واقعي.. بلاقي مقالة في الجورنال بتتكلم عن الاكتفاء الذاتي.. مش هنقدر نحقق الاكتفاء الذاتي لاني معندناش أراضي ومياه تكفي لكل طلبتانا.. مثال: "عاوز تجيب درة.. علف للماشية وعلف للدواجن.. ملايين الأطنان.. نحتاج 14 – 17 مليون طن سنويا.. وجنب القمح جنب ده جنب وغيره من المحاصيل.. مجمل الأراضي على مدار السنة تقدر تلبي الطلب".

وتابع الرئيس السيسي: "لا مفيش اكتفاء ذاتي.. لا ليه علشان نبقي عارفين.. متي نشعر بثمار التنمية.. ثمار التنمية عمل دائم.. والتنمية لا تنتهي والطموح لا تنتهي وتستمر الإنجازات والعمل بدون توقف.. مشروع الدلتا الجديدة اللى بنتكلم فيه اتعمل 500 الف طن صوامع عشان انتاج القمح اللى يطلع غير اللى قبل كده عشان نحطه في الصوامع دي ثم منتجات أخرى معمولة تطلع من هنا ويتم عمل تصنيع زراعي لها لتعظيم الاستفادة في الصوب الزراعية وأمور كثيرة وأتمنى يكون في فرصة اكثر نتكلم فيها وعنها بتفاصيل كثيرة ولم نتكلم عن المنيا وبني سويف وكومبو وتوشكا وشرق العوينات وهناك في مليون فدان وفي ال500 الف فدان اللى في سيناء".

وقال الرئيس السيسي في نهاية كلمته: " احنا كلامنا قليل وتقديمنا للشغل بتاعنا محتاج مننا عناية اكثر.. لأننا مش قادرين نقول للناس ان دولة فيها اكثر من 100 مليون عشان تلبي مطالبهم في كل شيء ليس بالأمر اليسير.. وهذا ليس معناه اننا كدولة احنا جزء من البلد والناس واللى بيتعمل فضل كبير من ربنا والله العظيم اللى بيتعمل ما يتعمل الا بفضل من ربنا".

الرئيس السيسى خلال افتتح مشروع الدلتا الجديدة 

الرئيس السيسى خلال متابعة انتاجية القمح

الرئيس السيسى يشهد حصاد محصول القمح

الرئيس السيسى خلال افتتح مشروع الدلتا الجديدة

الرئيس السيسى خلال افتتح مشروع الدلتا الجديدة