عبد الله حسن لـ مصطفى حدوته: انك تبحث عنى ده شيء عظيم.. ويدل إنك شاطر وبتتعلم

علق الشاعر عبد الله حسن على التصريحات التي أدلى بها الشاعر مصطفى حدوته خلال استضافته في بودكاست مع كريم خطاب، حيث تطرق حدوته إلى لقاء تلفزيوني سابق جمعه بعبد الله حسن، انتقد خلاله الأخير كلمات أغنية بنت الجيران، معتبرًا أنها تضم عبارات غير مناسبة لذوق العام، والتى لا تليق بثقافة مجتمعنا.
 

وخلال البودكاست، عقد مصطفى حدوته مقارنة بين مقطع من قصيدة "لما جيت أكتب عن أمي" لعبد الله حسن، وبين بعض كلمات أغنية "بنت الجيران"، معتبرًا أن هناك تقاربًا في بعض التعبيرات، رغم انتقاد عبد الله حسن للأغنية سابقا، ولم يتوقف الأمر عند هذا الحد، إذ أبدى حدوته دهشته من مدى شهرة عبد الله حسن، مشيرًا إلى أنه اضطر للبحث عنه عبر الإنترنت للتعرف عليه.
 

عبد الله حسن يرد على مصطفى حدوته

ورد الشاعر عبد الله حسن على صفحته الرسمية على موقع التواصل الاجتماعي "فيس بوك" قائلا: "مبدأيا أنا مش زعلان من الاخ حدوتة ربنا يوفقه ويفضل يتحفنا بالأعمال العظيمة بتاعته زي "بنت الجيران، و"انا رقم واحد يا أنصاص" والأغاني المفيدة دي، ولا من المذيع لأني أنا كمان معرفوش والله، بس احب اعرفه، وأعرّفه ان من ادبيات المهنة اللي بيشتغلها ان لما تيجي سيرة حد تاني خصوصا لو ماتعرفوش يبقى الأفضل تسيب الضيف يقول رأيه فقط مش تندمج معاه ، خصوصا لو تطاول على أعمال شخص تاني حضرتك للأسف ماتعرفها عشان مايبقاش ثقافتك عن الشعر في مصر حدوته وشركاه.
 

أما بخصوص اني غيرت كلامي فده محصلش بره الهوا وجوا الهوا وإلى الآن أنا بعتبر مصطفى حدوتة شاعر كويس يحتاج أنه يضبط مفرداته بما يتناسب مع طبيعة الوقت والناس اللي بتقدملهم وده اللي أنا قولته في الحلقة وبرة الحلقة وشكله سمع الكلام وعمل بالنصيحة، وبخصوص أنه مكنش يعرفني ودخل بحث عني ده شىء عظيم، ويدل انه شاطر وبيقرأ وبيتعلّم وان الورق اللي أنا بقطعه يعمل سبعين حدوتة".

منشور عبد الله حسن