فيسبوك
واتساب
أكد الإعلامى سيف زاهر، أن الحديث عن عجم حضور جمهور الأهلى أمام الزمالك في المباراة المقرر لها الجمعة المقبل في الدوري، مش صحيح لأن الجمهور عنده مبدأ مش بيغيره "على الحلوة والمرة معاك".
الأهلى والزمالك
وقال سيف زاهر خلال تقديمه برنامج "ملعب أون" المذاع على قناة أون سبورتس: "هناك أحاديث على السوشيال ميديا عن مقاطعة جماهير الأهلى لمباراة القمة الجمعة أمام الزمالك والكلام ده مش صحيح خدها منى لأن الجمهور دائما بيرفع شعار على الحلوة والمرة معاه".
وتابع سيف زاهر: "لو الجمهور محضرش مباراة الأهلى والزمالك هيكون سن سنة جديدة وهى على الحلوة بس معاك، ودا محصلش قبل كدة، أما جمهور الزمالك كدة كدة هيحضر علشان يواصل دعم فريقه لحصد بطولة الدوري".
سيناريوهات الدورى
وأوضح: "بطولة الدورى حاليا كل حاجة واردة، جايز الزمالك يكسب ويقرب من البطولة ممكن، او الأهلى يفوز على الزمالك ويعطله، أو بيراميدز يفوز ويستغل خسارة الزمالك، كل حاجة واردة في الكرة، بس الأكيد أن هذا الموسم هو الأهم والأكثر إثارة وهنفضل نفتكره كتير".
