فيسبوك
واتساب
استعرض برنامج فتحى شو من إعداد وتقديم محمد فتحى عبد الغفار في حلقة جديدة من حلقات البرنامج قصة أخطر الشغلانات في مصر، حجم الخطر الحقيقي اللي بيعيشه العامل كل يوم علشان لقمة العيش.
ونوهت الحلقة إلى أن الشغلانة اللي بنتكلم عنها هتقبض قلبك من خطورتها وهي حكاية "وهدان" السباك اللي بيطلع على أسطح الأبراج وينزل بحبل في الهواء علشان يصلح المواسير، ناس كتير بتشوف المنظر من تحت ومش متخيلة حجم الخطر الحقيقي اللي بيعيشه العامل كل يوم علشان لقمة عيش ولاده .
بدأ وهدان حديثه لتليفزيون اليوم السابع قائلاً: قبل أن ابدأ العمل بقول الشهادة لا إله إلا الله وأن محمد رسول الله، مضيفاً بالقول ربنا يسترها على كل شاب بياكولها بالحلال أنا مش ضامن أنزل وأطلع تانى من على الحبل ده ابن أخويا نزل عليه وماطلعش إلا جثة هامدة".
وبدأ "وهدان" عمله بربط الحبل الضخم في أحد أعمدة أطباق الدش الضخمة، مؤكدا، "ان الاعتماد الكلى ليس على هذا الطبق المروط فيه الحبل بل على العقدة الموجودة عند حز السور بتاع السطح وهى التي عليها 90 % من الحمولة، واعتمد في الأساس على الأمان واختار ما هو مناسب لربط الحبل فيه، ولو ملقتش حاجة بخرم في الحيط وادخل الحبل واعمل عقدة واربط الحبل في الحيطة مباشرة".
وتابع: "مرة وأنا متشعلق على الحبل جاتلى غيبوبة سريعة من قلة الأكل والدوار ومافوقتش إلا بعد 3 دقايق، وكان ممكن اقع من على الحبل خاصة انى مش مربوط فيه، أنا بدأت أخاف وآخد حذرى بعد ما شوفت موت ابن اخويا قدام عينى لما وقع مكن على الحبل لأنى ـنا اللى كنت معلمه ومدربة وقعد في الغيبوبة في العناية المركزة 70 يوما ومات ومن ساعتها وانا باخد حذرى وأعمل إجراءات الأمان كلها لانى عندى عيال عايز اربيها، الأول كنت بتمرجعح على الحبل وانا شغال على برج 40 دور ومش فارق معاه أنا لما شفت ابن أخويا وقعدت جنبي 71 يوما في المستشفى نروح له ونشوفه وهو نايم على السرير بيتنفس بالعافية خوفت وعرفت ان الحبل ملوش كبير ".
وتابع، "من المواقف الغريبة اللى بتعرض ليها وانا شغال مرة واحد شد السيفون علينا وهو عارف اننى شغال ورا وكل المخلفات وقعد عليا بكلمه واقوله يا أستاذ حضرتك شديت السيفون عليا وانا شغال قالى انت حشرة ملكش لازمة .. سيبنا الشغل ومشينا ساعتها ، وكمان في مخاطر بنتعرض ليها لما أكون شغال بالكهربا وبقطع مواسير زهر وفجأة حد يشغل ميه فا ديه بتكون خطورة كبيرة أوى عليا" .
