فيسبوك
واتساب
مع الاحتفال باعياد شم النسيم، يبحث العديد من المواطنين عن أماكن الفسح والخروج للتنزه، ونشر "تليفزيون اليوم السابع" حلقة جديدة من برنامج "كده رضا"، التى يعدها ويقدمها الكاتب الصحفى محمود رضا الزاملى، وشملت الحلقة ترشيح 8 حدائق في القاهرة، وأسعار الدخول تبدأ من 5 جنيهات وأغلى حديقة بـ 20 جنيها.
في شم النسيم، كلنا بندور على فسحة مختلفة وكسر للروتين، بس المرة دي الموضوع مش عادي.. إحنا قدام 8 أماكن ممكن نزورها ونقول عليهم “أخطر” فسحة في شم النسيم، مش علشان خطر حقيقي، لكن علشان خطورتها في الجمال والبهجة اللي ممكن تخليك مش عايز تمشي منها، وهتقول عليها: "فسحة خطيرة".
أماكن طبيعتها ساحرة، خضرة على مد البصر، ومياه وهواء نضيف، لدرجة إنك ممكن تنسى نفسك وسطهم وتضيع في جمال التفاصيل، وده اللي بيخلي التجربة مختلفة تماما عن أي خروجة تانية في العيد
خلي بالك.. الحدائق دي مش بس فسحة عادية، دي تجربة كاملة من الراحة والاسترخاء والمتعة، وفعلا ممكن تكون من أجمل ما تزوره في شم النسيم
وشرحت الحلقة تفاصيل الحدائق وأماكنهم وكيفية الوصول إليهم عن طريق مترو الأنفاق، وكانت الحدائق كالتالى، حديقة الأسماك في الزمالك و حديقة عابدين القريبة من محطة مترو محمد نجيب، وكذلك حديقة نيل المعادى والحديقة اليابانية في حلوان، وحديقة العبور في الزمالك، وحديقة الحرية، والحديقة الدولية والطفل في مدينة نصر.
وقدمت الحلقة كذلك أهم النصائح في كل حديقة كي تكون فسحة متميزة في أيام شم النسيم، حيث يلجأ العديد من المواطنين لاختيار الأماكن الترفيهية ذات المساحات الخضراء للجلوس وأخذ بعض الصور التذكارية.
