مخطط إسرائيل الكبرى.. أحمد موسى للمصريين: ماتسمحوش لحد يستغلكم

أكد الإعلامي أحمد موسى، أن توقف حرب إيران سيدفع الأسعار للاستقرار، معلقا: 100 مليون مصري قد يتأثر من الحرب، ودول الحرب لم تتأثر لأنها دول منتجة، ولكن نحن دولة مستوردة.

وتابع الإعلامي أحمد موسى، خلال تقديم برنامج على مسئوليتي المذاع على قناة صدى البلد، ان المواطن له الحق في الغضب من قرار اليوم بتحريك أسعار المنتجات البترولية، مضيفا: بالمناسبة بتكلم طول النهار وماعرفتش أفطر، إحنا كلنا عارفين ظروفنا وظروف شعبنا وبلدنا.. أنا معايا بيت وأسرة وبنزل اشتري وعارف الأسعار وبقف في طابور وعندي أهل وناس.. إحنا كلنا مواطنين، وفي مشكلة.

وأوضح الإعلامي أحمد موسى:  ماتسمحوش لحد يستغل هذا الأمر لاستكمال المخطط .. مخطط إسرائيل الكبرى .. ماتساعدوهمش يا مصريين، وعندما تزول الأسباب، وارد الحرب تستمر لحد العيد وتكمل، مصلحة العالم كله أن تتوقف الحرب، مافيش دولة مش متأثرة.

وذكر: مافيش دولة ماخدتش إجراءات بسبب الحرب، و3 جنيهات قفزة كبيرة، والحكومة قالت ماعنديش بدائل، كلنا عايزين مسار الإصلاح والاستقرار والتنمية يستمر في خط واحد.

وأوضح: إحنا البرنامج الوحيد اللى بنتابع الأسواق، ونسمع الأراء، معلقا: انتقد زي ما أنت عايز وأنتقدني يا سيدي .. كلنا في أزمة خارجية جيالنا من برة، 99 % من البيوت بتابع الحرب في إيران.

وذكر الإعلامي أحمد موسى: القلق في كل البيوت والكل بيشوف، والحمد لله رغم الظروف دي، ندعو في هذه الأيام الكريمة أن تمر باستقرار.. أيام كورونا كان العالم كله قافل.

وتابع الإعلامي أحمد موسى: مرينا بأزمات كبيرة، وهنعدي من الأزمة دي، لدي ثقة الحكومة سوف تعود من هذا القرار عندما تمر الأزمة، أه في حاجة بتطلع وتنزل، ورئيس الوزراء وعد النهاردة بسبب ظرف استثنائي.