فيسبوك
واتساب
تحدث المخرج عمرو عابدين عن مشاركته فى افتتاح وبعض جلسات منتدى مصر وبالتحديد الخاصة بالثقافة، بحضور ورعاية فخامة الرئيس عبد الفتاح السيسى، وبمشاركة رئيس الوزراء وعدد كبير من كبار رجال الدولة ونجوم الفن والثقافة والمجتمع.
وعن رؤيته لمنتدى مصر وأهميته، قال المخرج عمرو عابدين في مداخلة هاتفية لتليفزيون اليوم السابع: "واضح جدًا للناس إحنا من سنة 2013 كنا فين، والآن أصبحنا فين، فأعتقد إن شاء الله إن نتائج منتدى مصر 2026 تتكلل بنتائج إيجابية، وتظهر في مختلف مجالات وقطاعات الجمهورية، وإن شاء الله نشوف مردود جلسات المكاشفة والنقاش دى، ويكون ليها أثر ملموس الفترة الجاية".
وأضاف عابدين لتليفزيون اليوم السابع قائلا: "النهارده، لما اتسألت من أحد الصحفيين: كان نفسك إيه يتم في المنتدى؟ فأنا أعتقد إن المنتدى كان محتاج يخصص جلسة لصناع الدراما، من بداية كتابة القصة والأفكار اللي تناسب بلدنا ومصر والمجتمع المصري، لحد جميع مراحل الإنتاج وخروج العمل للنور ومشاهدته.. عندنا كتير جدًا جدًا من الموضوعات اللي أتمنى إنه كان يتم مناقشتها في منتدى مصر 2026، خصوصًا إنه بيحظى باهتمام السيد رئيس الجمهورية شخصيًا".
وتابع عابدين قائلا: "كلنا عارفين جدًا إن السيد الرئيس شخصيًا طالب قبل كده بعقد عدد كبير من الجلسات، انطلاقًا من رؤيته واهتمامه بأن الدراما المصرية تكون أحسن وأفضل، وتقدم محتوى رائعًا للجمهور المصرى.. الرئيس ما كانش هيحصل الاهتمام ده من غير رؤيته، ولا جلسات صناع الدراما اللي اتعملت على مدار السنة ونص اللي فاتوا، من وقت ما اتكلم عن الدراما وانتقد بعض الأعمال اللي مش بتعبر عن المجتمع".
