خالد محمود: أهم وأنجح أعمالى كانت بفضل ربنا ثم المخرج مجدى أبو عميرة

تحدث الفنان الكبير خالد محمود عن كواليس أبرز مشاركاته في عالم الدراما التليفزيونية مع المخرج الكبير مجدى أبو عميرة، حيث أوضح محمود أن أبرز وأهم نجاحاته الحقيقية كانت كلها مع أبو عميرة.

وقال محمود في مداخلة هاتفية لتليفزيون اليوم السابع: "قولت حاجة قبل كدة.. إن كل نجاحاتى الحقيقية فى الفترة الأخيرة كانت مع الأستاذ مجدى أبو عميرة، ولذلك هى مسلسلات عايشة لحد دلوقتى شوف مسلسل زى "الحقيقة والسراب"، رغم إن بقاله 23 سنة إلا إنه مازال لما بيتعرض الناس بتابعه تانى وعاشر ومية.. العيال الصغيرة حافظين المسلسل وبيسمعولى الحوارات بالكامل.. الشباب الصغير بالنسبة لهم مسلسل زى ده قديم إلا أنه مازال بيطلع عليه كوميكسات من الشباب من شدة التأثر بيه.. وعاملين صفحات على السوشيال ميديا باسم أحمد شناكل وهو دورى في المسلسل، لما لعبت دور المحامى وبقول لباسم اللى هو "أحمد سعيد عبد الغنى"، أنا هلعبك على الشناكل.. فكل دى نجاحات مع أستاذ مجدى أبو عميرة الحمد لله".