أنوشكا لتليفزيون اليوم السابع: لازم نفخر بانجازات مصر ودورنا نظهرها للأجيال الجديدة

أكدت الفنانة أنوشكا أنها طوال مشوارها الفنى وهى تحسب خطواتها حتى لا تقدم شيء غير مفيد سواء في عالم الغناء أو التمثيل، معربة عن سعادتها البالغة بحديثها باسم مصر في الندوة التثقيفية التي أقيمت للاحتفال بالذكرى الثالثة والخمسين لنصر أكتوبر العظيم.

وقالت الفنانة الكبيرة أنوشكا في مداخلة هاتفية لتليفزيون اليوم السابع: "كنت دايما بعمل حساب لكل خطوة بعملها، مجرد حتى إنك تتحدث باسم مصر، ومصر مش قليلة.. مصر كبيرة جدا مش لاقية كلام أعبر بيه عن مدى سعادتى، أنا بقول الكلام ده لكل الناس اللى بيسمعونا".

وأضافت أنوشكا قائلة: "ياجماعة إحنا لازم نفخر بمصر وبإنجازات بلدنا أنا بقول الكلام ده، وأنا بتفرج على كل الإنجازات اللى مصر عملتها وإن أنا أتحدث بلسانها دى شيء تانى.. إحنا لازم نفخر بمصرنا.. شوفت كتير جدا إنجازات وراء الكواليس.

وتابعت أنوشكا خلال حديثها لتليفزيون اليوم السابع قائلة: "الفيلم المعمول عن تاريخ مصر معمول بطريقة في منتهى الروعة للجيل الصغير اللى طالع مش بس للجيل الكبير.. إحنا خلاص عارفين تاريخنا، الفيلم معمولة بطريقة مشوقة للأجيال الجديدة وكله حقائق والرسائل اللى اتقالت فى الندوة موجودة على أرض الواقع".