طارق لطفى: نجوميتى فى الدراما أكثر من السينما بسبب المعطيات اللى فرضها سوق الكوميديا

تحدث النجم طارق لطفى عن قلة تواجده السينمائى منذ بداياته فى عالم الفن بشكل عام، موضحا أن هذا الأمر يرجع لتداعيات مراحل مختلفة مرت بها السينما المصرية بتعثرات عديدة.

وقال النجم طارق لطفى فى مداخلة هاتفية لتليفزيون اليوم السابع: "بيبقى عندك معطيات فبتختار أحسن اختيار ليك بناء على اللى موجود والمتاح قدامك.. السينما مرت بمراحل صعبة كتير بسبب الكوميدى بعد فيلم "صعيدى فى الجامعة الأمريكية"، ولكن اتجهت لمضمون الكوميديا فراهنوا على كل ما هو كوميدى في وسط هذه الكوميديا ظهر واحد بيعرف يلعب أكشن وهو أحمد السقا فجروه في الأكشن ونجح جدا.. فما بقاش فى السينما غير الكوميدى والأكشن.. وبقى مفيش تجارب غيرهما أو فيه حاجات أخرى على استحياء مثل فيلم "سهر الليالى"، واللى صناعه قعدوا يصوروا فيه سنتين، فالمنتجين عشان فلوسهم مش محمية فبقى بيلعبوا على التيمة المضمونة وهى الكوميدى والأكشن".

وأضاف لطفى لتليفزيون اليوم السابع قائلا: "صحيح أنا لعبت الأكشن في الدراما التليفزيونية من خلال "بعد البداية"، وكان أول عمل تليفزيونى يتم استخدام فيه هذا النوع من الأكشن، لكن الأكشن في الغالب يعتمد على السن أيضا، لازم يكون فيه إقناع".