اعرف أسباب عزوف ميمى الشربينى عن الزواج فى الذكرى الأولى لرحيله اليوم

في مثل هذا اليوم 20 يناير 2025 ودّع الوسط الكروي النجم السابق بالنادي الأهلي والمعلق الرياضي الشهير ميمي الشربيني، الذي وافته المنية عن عمر ناهز الـ88 عاما في مثل هذا اليوم.

وكشف الراحل ميمي الشربيني عن استبعاده فكرة الزواج طوال حياته فى تصريحات تلفزيونية سابقة قائلا، "البيت لي احترامه، ولي متطلباته، فلما تتجوزي ويبقي فى طفل أو حتي مافيش ماتقدريش تسهري كل يوم للساعة واحدة أو اتنين".

وأضاف، "أنا بعد ما بطلت كرة بسهر بقي ما صحابي هنا وهنا، بقعد معاهم وأقضي وقتي معاهم لأن الوقت ممل يعني ماعندناش في مصر حاجة أقضي بيها وقت فراغي، كنت بلعب مع صحابي طاولة في القهوة".

قصص حب ميمي الشربيني

وتابع حديثه، "أنا حبيت طبعا كتير، ودايما كنت بحب أسعد اللي معايا؛ أي واحدة كانت بتبقي معايا سواء في الجامعة وده كان وقت عزي في الكورة". وواصل نجم الاهلى الاسبق:"وأنا كنت في الجامعة مكانتش بحضر، بس بعد لما النجومية زادت أنا قعدت 9 سنين في كلية تجارة عين شمس، علشان كنت بقدم شهادات مرضية كتير علشان الكورة"

وأكمل: "كان عندي علاقات كتير في الجامعة، بس عمري ما اقتعنت بفكرة الجواز لأنه مسؤولية كبيرة؛ فقررت أتجوز الكرة وبقي أصحابي هما حياتي، حتي بعد لما بطلت ودخلت في التلفزيون والإعلام، بس فضلت حياتي كلها في النادي الأهلي وكل النجوم بيسألوا عليا حتي الجداد".

عن فكرة الندم على عدم الزواج قال:" والله مش أوي، في شوية طبعا أختي واخويا متجوزين ومخلفين فأولادهم ولادي، هما اللي بيعوضني أني متجوزتش، وهما دائما بيبقوا سعداء بيا وعارفين كابتن ميمي الشربيني مشهور ونجم كبير".