البطلة الحقيقية لـ "ماتراه ليس كما يبدو" تروى لـ"الستات" قصة المسلسل

استضاف برنامج "الستات ميعرفوش يكدبوا" المذاع على قناة سى بى سى، المؤلفة هند عبدالله والبطلة الحقيقية لقصة مسلسل "ماتراه ليس كما يبدو" بعد تصدره منصات السوشيال ميديا.

وقالت هند عبد الله:"بداية القصة إنى أخدت بالى من فترة إن البنات بتحكى من خلال السوشيال ميديا عن علاقتهم بوالدهم، وشفت حاجات مرعبة واكتشفت إن دور الأب كبير مع الأبناء من الصغر، والاهتمام بنشوفه فى أولادنا لما بيكبروا مش وهما صغيرين". 

وأضافت:"فى حاجات كتير فى المسلسل شبه حياتى، وعلاقتى طيبة بوالدى، وانا كنت محظوظة واتربيت فى 3 بيوت، ووالدتى توفت وهى بتولدنى، وعندى 3 أمهات أختى الكبيرة وخالتى وزوجة والدى، وبيتعملى 3 أعياد ميلاد منهم".

تابعت هند عبد الله:"علاقتى بأهلى كويسة وليهم دور كبير فى التربية وحرصوا على إنى محسش بفقد الأم، وأخدت 3 ثقافات من هذه البيوت، والحمد لله بقى عندى مميزات كتير وكأن ربنا لما خد منى والدتى أدانى كل الأمهات اللى فى الدنيا".

أوضحت هند عبد الله:"أن أصعب مشاهد المسلسل مشهد العيادة وهى البطلة بتبكى".