المخرج مجدي أحمد علي في "ست ستات": الرجل أسرع من يهرب من الروتين

في حوار ببرنامج "ست ستات"، المذاع على قناة دى إم سي قدم المخرج الكبير مجدي أحمد علي رؤيته كـ "رجل مشغول" في قضية الاهتمام والعلاقات، مؤكداً أن الانشغال حقيقة واقعية وليست مجرد حجة.

وأوضح علي أن ديناميكية العلاقة بين الرجل والمرأة تغيرت عبر التاريخ، مشيراً إلى أن ما كان مقبولاً في الماضي لم يعد كذلك في ظل عالم جديد مليء بالانتماءات والمسؤوليات المتعددة.

كما تطرق المخرج الكبير إلى سر تراجع الاهتمام بعد فترة من بداية العلاقة، وكشف عن وجهة نظره في مقولة "عايزة تخسريه اهتمي بيه".

وتابع : "لو ذكي [سيهتم] عشان عارف إن الليلة مش هتعدي. بس أنا فعلاً رأيي إن فعلاً فيه انشغال. بدأ يبقى له سلطة إنه هو اللي بيجيب الأكل، فبقى يبقى مشغول فعلاً. لغاية ما المجتمعات تطورت وبقت الست مشاركة، فعليه إنه يهتم غصب عنه. لكن أنا مؤمن، وممكن ده يضايقكوا شوية، إن المقولة بتاعة إن المرأة كل عالمها الرجل، لكن الرجل ليس كل عالمها."

وأضاف :"هي كلمة أولوية غلط. هي الدنيا بقت متنوعة، يعني مثلاً أنتِ أولوية عاطفية آه، بس فيه أولوية وظيفية. الشخص زمان كان محدد وبسيط، دلوقتي أنت أهلاوي ولا زملكاوي؟ ادي انتماء. أنت يساري ولا يميني؟ أنا ممكن ولائي العاطفي لمراتي أو للست اللي بحبها، ده أكيد. إنما فيه ولاءات أخرى: ولائي الوظيفي، ولائي المهني، ولائي الكروي. لو عندي وقت فراغ؟ أنا شخصيًا هأديه للسينما."

وأكد :"الستات معذورات، لإن هو برضه الواقع قاسي. والراجل عادة مش بياخد باله من كمية الشغل اللي بتعمله الست، كمية الأداء اللي هو عبارة عن تفاصيل صغيرة متراكمة. فهي عليها تقل فظيع. الراجل عليه ضغط ويتم تجاهله، الست عليها ضغط مضاعف. فهي عندها حق، وأنا معاكي في إن الستات فعلًا واقع عليهم عبء وما بياخدوش الاهتمام الكافي."

واختتم :"ليه في أول العلاقة الراجل بيبقى مهتم أوي؟ هو هو [نفس الشخص]. بس هو الأول كان داخل على تجربة فيها إثارة، فلما التجربة بتتحول إلى روتين، الراجل أسرع حاجة يهرب منها الروتين."

يُعرض برنامج "ست ستات" على قناة النهار، ويقدمه كوكبة من ألمع الإعلاميات في مصر. ويقدم البرنامج يوم السبت من كل أسبوع الإعلامية سالى شاهين ويوم الأحد الإعلامية نهى عبدالعزيز، فيما تقدم البرنامج يوم الاثنين الإعلامية شريهان أبو الحسن وفى يوم الثلاثاء الإعلامية آية جمال الدين، أما يوم الأربعاء فتقدم البرنامج الإعلامية جاسمين طه زكى ويوم الخميس الإعلامية سناء منصور، وفى يوم الجمعة تقدم المذيعات الست الحلقة ليتناقشن فى موضوع مهم من وجهة نظر كل واحدة منهن.