فيسبوك
واتساب
كشف النجم أحمد سعد، أنه يحب الطب النفسى، متابعا:"بروح لطبيب نفسى واكتشفت عيوب لشخصيتى عن طريق الطبيب، حيث كانت لديا مشاكل وهى إنى مش عارف أشوف شخصيتى، وأهم عيب فيا إنى كنت براضى الآخرين على حساب نفسى.
وأضاف أحمد سعد خلال حلوله ضيفا ببرنامج "معكم منى الشاذلى" الذى تقدمه الإعلامية منى الشاذلى على قناة on، مكنتش بستمتع بحاجات كتير، المتعة هى أنك تكون أنت ونفسك ومش مصطنع علشان ترضى الناس اللى حواليك".
تابع أحمد سعد: "كنت بسأل نفسى أنا الشخص المتدين ولا المش متدين ولا اللى بيلبس كده وميلبسش كده؟، ورحت لطبيب نفسى علشان يجيبنى على الأسئلة دى، وبعدها عرفت أنى لما بقابل حد بطبع على شخصيته".
ولفت أحمد سعد إلى أن الحديث عن النفس بشكل حلو مش غرور، ونعمة الحمد هى امتنان لله للنعم اللى ادهالنا، وبحثت إيه هو اللى بحبه واللى مش بفهمه متكلمش فيه".
