الفنان تامر فرج يروى لـ"الستات" قصة زواجه السادس من رانيا هاشم.. فيديو

استضاف برنامج "الستات مايعرفوش يكدبوا" المذاع على قناة سى بى سى، الفنان تامر فرج وزوجته رانيا هاشم للحديث عن أعماله الفنية وحياته الشخصية.

وقال تامر فرج:" زوجتى دائما معطاءة وبتدى وحياتها منصبة على الأخرين فى عيلتها، وده اللى توالف معايا لأنى كنت محتاج الزوجة اللى تكون جمبى واتسند عليها وهى مديرة أعمالى، وسبت عليها التفكير فى كل شئ، وقالت لى اكتب ومثل وابدع بس وانا عليا الباقى".

وأضاف :"زوجتى بتكتب حلو وأفكارها جميلة، وطلبت منها التعاون من أجل برنامج برنامج "على سهوة" إلى بقدمه على الراديون وقعدت معاها 3 ساعات علشان نتكلم فى الشغل، وكنت بحاول أقنعها تتجوز وقالتلى بنتى تقتلنى لأن زوجها متوفى وأن المفروض بنتها اللى هى المقبلة على الزواج".

من جانبها اوضحت رانيا هاشم بداية ارتباطها بزوجها تامر فرج:"كنت بتفرج على مسلسل "طلعت روحى" وبوصل بنتى للجامعة كل يوم فسمعت صوت فى الراديو كان بيقدم برنامج "على سهوة" وهو نفس الصوت اللى فى المسلسل وبحثت على تتر المسلسل وعملت له فلو على الإنستجرام، وكلمنى لما لقانى عملت فلو ليه وقالى متجوزتيش ليه لحد دلوقتى؟، وحكالى بالتفصيل عن جوزاته الخمسة السابقة وده مخوفنيش.