ساجد محمد المبدع الصغير يقدم الدعم للمطربة أنغام بقصيده

يعيش جمهور ومحبي المطربة الكبيرة أنغام حالة كبيرة من القلق والتوتر منذ سفرها لتلقى العلاج في أحد المستشفيات بألمانيا، بعدما خضعت لعمليتين جراحيتين في البنكرياس، ويحاول الكثير تقديم الدعم المعنوي للمطربة، ومن بين ذلك ساجد محمد عبد الفتاح صالح، أحد مبدعي مصر صاحب الـ 16 عاما من أبناء محافظة الجيزة، والحاصل على جائزة الدولة للمبدع الصغير في مجال الأدب فرع الشعر بالفئة العمرية الثانية، في دورتها الرابعة لعام 2024.

أنغام

شوف النوتات اتكونت
من كام إيقاع من كام نغم
و اللوحة باهتة اتلونت
وبصوت يرفرف كالعلم
ويا حالة خاصة جدا انتي
يا صوت وجوانا دفين
وب كان بريء و مجابش سيرتي
ولا أقول هو انت مين
وأنغامك بتوصفني
كأني لقيت ف صوتك دار
كلامك ده بلسان قلبي
وطبعا القلوب أسرار
والأحاسيس اللي فينا
جوه صوت أنغام لقاها
شوف أساميك الكتيرة
ولا شوف خليك معاها
يا تاريخ أجمل مسيرة
ياللي في قلبك بصيرة
كل حاجة في قلوبنا
في اغانيكي لقيناها
في اتفاق هيدور ما بينا
قولتي يوم تيجي نسيب
طب ايه رأيك لو نسيبنا
مالوجع.. هيروح يغيب
وهتلاقي الألم عدى
دي فترة بسيطة وتعدي
ماهو تعبك بيتحدى
ما أصلك قد ده تحدي
عزيمتك قايله انه محال
ولا الأوجاع دي هتكسر
ما لما الريح يعدي جبال
في عمرها يوم ما تتأثر
هترجعي أقوى م الأول
ونهزم كله بإدينا
وأوجاعنا هتتحول
تجدد في الأمل فينا
ولو كلماتي بتطول
ده بس عشان وحشتينا

المبدع الصغير ساجد محمد