فيسبوك
واتساب
وجهت الشركة القابضة لكهرباء مصر بعض النصائح الهامة التى تساعد المواطن فى تأسيس كهرباء منزله بشكل سليم ضمن حملة " كفاءة يا طاقة"، لضمان سلامة الأسرة وتوفير استهلاك الطاقة في المستقبل، وفيما يلي بعض النصائح:
1- تأكد إن نوع الأسلاك وسمكها مناسب لقدرة كل جهاز (التكييف محتاج سلك مختلف عن التلفزيون).
2- خطط لعدد المخارج (البرايز) فى كل غرفة علشان متضطرش تزود مشترك زيادة أو تمديدات عشوائية.
3- اسأل الفني إن كل الدائرة الكهربائية في البيت تكون متوافقة مع أنظمة الطاقة الشمسية المستقبلية، ده بيسهل عليك التطوير من غير تكاليف إضافية.
4- اعمل حسابك من دلوقتي لو ناوي تركب سخان شمسي أو خلايا على السطح، وخلي في وصلات جاهزة.
5- اطلب من الكهربائي يركب لوحات توزيع بعوازل أمان ومفاتيح فصل أوتوماتيك.
6- راجع مع الفنى توزيع الأحمال على كل خط علشان تمنع التحميل الزائد اللي بيعمل أعطال متكررة.
7- وفر مواسير أو مجاري أسلاك إضافية فاضية، بحيث أى تحديث أو إضافة مستقبلية تتم بسهولة.
