ضرب طيارة مصرية بالخطأ أثناء الحرب.. أحمد فؤاد سليم يكشف القصة الكاملة في "معكم"

روى الفنان أحمد فؤاد سليم، واقعة أثناء التحاقه بالجيش المصري في فترة الحرب مع إسرائيل، ووصفها بـ"الواقعة الصعبة".

وقال خلال لقائها مع الإعلامية منى الشاذلي، ببرنامج "معكم" الذي يذاع على قناة "on": "ضربت مرة طيارة من بتوعنا، للأسف، كنت في منطقة سفاجا، الضربة مكنتش مؤثرة جدا، وكانت طيارة وفي مهمة سرية، وعند جبل عتاقة، وبعدنا مطار الغردقة، خرجت طيارة من المطار، ومبلغتش ان ممنوع ضرب النار".

وأضاف: "في أي مهمة سرية، الطيار بيمشي ورا الجبل والرادارات مش هتجيبه، وأنا الصبح الساعة 6، وما بين النوم واليقظة، سمعت صوت طيارة، بدور عليها وبسأل زمايلي، في تعليمات اننا منضربش؟ قالوا مفيش، فقولت انها حاجة معادية".

وتابع: "لفيت بالمدفع، وبدور على الصوت، ببص لاقيت جسم الطيارة خارج من ورا الجبل، وضربه طلقتين في سقف الطيارة، فالطيار هبط تاني، ورجع تاني على مطار الغردقة، وبسبب اللي حصل ده اترقيت".

وقال: "الساعة 2 الظهر، قائد المطار أو المنطقة العسكرية في الغردقة، بيدور على مين اللي ضرب على الطيارة، وجابوني وقولت إني هروح في داهية، وكل ده مفهمتش، واتفاجئت اني اتعلقلي شريطتين لأني يقظ".