إدوارد يبكى فى "صاحبة السعادة" لهذا السبب

تحدث الفنان إدوارد، عن أسوأ أيام حياته والظروف الصعبة التى مر بها، قائلا:"مريت بأسوأ شهور فى حياتى خلال الشهور الماضية، عندما طلب منى محمد سامى أسيب شعرى وشعر دقنى للمسلسل الجديد، فاضطريت إلى أخذ حقن التخسيس لمدة 6 أشهر وخسيت 15 كيلو، وأخذت نوع معين من الحقن يوميا، بعدها فى حد قالى فى نوع يتم أخذه أسبوعيا وأخذته لمدة شهر ونصف إضافى".

وأضاف إدوارد خلال حلوله ضيفا ببرنامج "صاحبة السعادة" الذي تقدمه الفنانة والإعلامية إسعاد يونس على قناة "dmc" اليوم الأحد، بعد 4 أيام من أخذ الحقن مكنتش بدخل حمام ولا باكل ومش عارف السبب، وذهبت للطبيب فقالى حصلك شبه شلل فى المعدة".

تابع، وجد الطبيب كيس مياه على الكلية اليمين، ثم طلب أشعة بالسبغة وقالى محتاج تروح لطبيب كلى لأننا بنشك إن عندك كانسر، فجتنى حالة غريبة، وذهبت للطبيب فقالى عندك كانسر فى نص الكلية الشمال ولازم تتشال، فحاولت أكون قوى".

أوضح، حكيت لابنى واتصدم والغريب إنى أنا مش قادر استحمل، وكل ما بكون لوحدى بعيط، لأنها صعبة، ووسط حديثه عن أزمته أجهش إدوارد فى البكاء وقال:" الأمر صعب جانى جلطة فى القلب فأجريت قسطرة و3 دعامات، وخرجت من المستشفى تانى يوم وصورت حلقة للبرنامج ولا كأن فى حاجة، وكنت بعيط بحرقة لوحدى".

استطرد، مصطفى قمر وقف معايا وبات معايا فى المستشفى وزارنى أحمد السقا وأحمد رزق وهانى رمزى، وكلمتنى إلهام شاهين وأحمد السعدنى وعمرو سعد، ومى عمر أخذت تحليلى وأعطتها لأخوها فى أمريكا".

ولفت إدوارد إلى أن "لديه ورم خبيث ظهر بعد فحص التحاليل، ومكنتش قادر استحمل نظرة الناس وهى بتقولى سلامتك، لانى عاوز أبقى قوى وأكون أقوى من الأول، التجربة صعبة وغيرت فيا حاجات كتير وخلتنى قوى وشخص تانى وتفكيرى غير الأول وبقى عندى رضا، واللى عاوزه ربنا يكون".

تابع، الطيب جانى مخصوص من الأقصر لإجراء عملية فى القلب، وبقول مهما عديتوا بتجارب صعبة خليكم عندكم أمل فى ربنا، والحمد لله رجعت أحسن من الأول، وسبحان الله الحقن بتاعة التخسيس هى اللى أظهرتلى المرض وأنقذت حياتى، وبقول بشكرك يارب، والزعل وحش وخلى عندك أمل فى ربنا ولا تحزن وتكتئب".

أكد،:"ولادى ومراتى كنت أكتر ناس خايف عليهم، وفكرت لو أنا مش موجود هيعملوا إيه هما مالهمش غيرى، وفكرت وصعبت عليا نفسى، وابنى كان بيعملى كل حاجة".

https://web.facebook.com/Sa7ebtElSa3ada/videos/711856014975688