فيسبوك
واتساب
وجه الفنان إدوارد نصيحة للناس بعد أن مر بوعكة صحية شديدة دخل على إثرها المستشفى وأجرى عدة عمليات، قائلا:"شرب المياه أهم حاجة فى الكون، وأنا لما بطلت أشرب ميه بسبب العمليات اللى أجريتها أثرت عليا، وبعدما رجعت تانى وعرفت أهميتها كترت من شرب المياه وده جعل بشرتى نضرة".
وأضاف إدوارد خلال حلوله ضيفا ببرنامج "صاحبة السعادة" الذي تقدمه الفنانة والإعلامية إسعاد يونس على قناة "dmc" اليوم الأحد، شرب الميه مخلانيش أتعب وباكل وعايش على الأكل الصحى، ومبخدش حقن وبمشى ساعة كل يوم على المشاية فى البيت، وآخر حاجة ابنى أجرالى أشعة على القلب وطلعت زى الفل".
تابع إدوارد:"عندى ناس صحابى ماتوا فجأة، وبقول إن الموت هو الحقيقة الوحيدة اللى فى حياتنا، وكل يوم بصحى أصلى وبشكر ربنا إنه كتبلى يوم جديد فى عمرى بعد اللى شفته فى تعبى، وحسيت بنعمة الصحة".
