فيسبوك
واتساب
تحدث الإعلامية مها بهنسى مقدمة برنامج "الستات مايعرفوش يكدبوا" المذاع على قناة سى بى سى، عن دراسة تم إجرائها عن أن الستات بتتكلم أكتر من الرجالة، قائلة:" دايما فى كلام يتقال أن الستات بيتكلموا أكتر من الرجالة وأن الست رغاية وده بقى نكتة متكررة تقريبا".
ولفتت مها بهنسى، إلى أن هناك دراسة جديدة من جامعة "أريزونا" قررت تشوف إيه الحكاية دى، وبشكل علمى وتجاوب على السؤال وهو هل فعلا الستات بيتكلموا أكتر من الرجالة ولا دى مجرد شائعة؟، موضحة أن النتائج قالت أن الستات إللى أعمارهم من 24 سنة إلى 65 سنة بيتكلموا أكتر من الرجالة بفارق 1400 كلمة فى اليوم".
وأشارت مها بهنسى، إلى أن المفاجأة أن الفارق فى عدد الكلمات بين المرأة والرجل لا يوجد فى كل الأعمار، منها كمثال المراهقين والشباب فرق الكلام كان بسيط أو مش موجود، وعند الأعمار فوق 65 سنة الرجالة هى اللى كانت بتتكلم أكتر من الستات".
تابعت:" خلاصة الدراسة بتقول إن الستات بيتكلموا أكتر من الرجالة فى سن معين، لكن مش دايما ومش فى كل الظروف، والموضوع مش بالصورة النمطية اللى بنضحك عليها كالعادة ويحملوا الستات كل حجاة، وده بيختلف على حسب السن والمكان وطبيعة الحياة".
