رئيسة الإذاعة المصرية الأسبق تروى لإكسترا نيوز كيف يدخل المذيع قلوب الجمهور

قالت الإذاعية القديرة إيناس جوهر، رئيسة الإذاعة المصرية الأسبق، إن جمال التقديم فى الإذاعة هو ظهور المذيع أمام الميكروفون أو الكاميرا بشخصيته الطبيعية، والناس هتصدقه ويدخل القلوب بسهولة، وهيبقى عنده مصداقية والجمهور هياخد المعلومة منه زى ما بيقولها ببساطة، وكل ما حسسهم بالألفة العائلية كلما كانوا قريبين منه".

وأضافت إيناس جوهر، خلال حلولها ضيفة بقناة إكسترا نيوز، عندما ألتحق بالراديو وشوفت أساتذتى العظماء كنت بتخض، فالابتسامة كانت بحساب والبصة بحساب، والحركة والسيستم، ولما كنا بندرب كنا بنجيب كوباية الميه الساقعة ونمسح الديسك ونقف وراهم وهما بيقولوا النشرة علشان نتعلم منهم، وتعلمنا بعد سنة و6 أشهر".

تابعت إيناس جوهر، برنامج "تسالى" مكنش بتاعى، والإذاعة تحضرت فتحى الملا وقالوا له عاوزين نطور البرنامج ميبقاش قول وغنوة وقول ونكتة، فعملناه بالشكل الدرامى، مشيرة إلى أن أشعار صلاح جاهين كلها شبه العيد وإذا تحدثنا عن العيد فيذكر صلاح جاهين".