تامر عاشور: أتمنى تقديم دويتو مع أصالة وشيرين

قال النجم تامر عاشور، انا بحب ألحن ولما بلاقي اللحن حلو بديه لحد تانى، وبختار المطرب حسب الأغنية اللى بلحنها وبحس أنها تليق عليه، موضحا، بعتمد على  المايسترو سعيد كمال فى المزيكا وبنراجع إيه اللى هنعمله فى الأغانى اللى هتنزل، وخلال الحلقة غنى "مكرهتوش".

وأضاف تامر عاشور خلال استضافته فى برنامج "صاحبة السعادة" الذى تقدمه الفنانة والإعلامية إسعاد يونس على شاشة dmc، أنه فى ناس بتبعتلى ألحان حلوة ومش معروفين سبحان الله، ومشكلة "الدويتو" الصوت النسائى بيغنى من طبقة والرجالى من طبقة تانية خالص". 

تابع عاشور، أتمنى أقدم دويتو مع أصالة وشيرين، وقدمت موسيقى تصويرية للفنان خالد صالح فى مسلسل "فرعون" ودا كان آخر مسلسل له، ومسلسل "ابن موت" لخالد النبوى، وبعدها جالى إحساس إن التتر مش مهم". 

وتألق النجم تامر عاشور مؤخرًا من خلال حفل فى الشيخ زايد من تنظم شركة "تذكرتي" فى إطار جهودها المستمرة لتنشيط الحركة الفنية، وتقديم عروض ترفيهية راقية بمستوى عالمى فى مختلف المحافظات المصرية، وذلك ضمن فعاليات مشروع "ليالى مصر" الثقافي.