أحمد نبوى: العيد فرصة للطواف بأجسادنا حول أحبابنا لا عبر الشاشات فقط

وجّه الدكتور أحمد نبوي، الأستاذ بجامعة الأزهر، رسالة مؤثرة بمناسبة عيد الأضحى، مؤكدًا أن العيد لا يقتصر على الطقوس والمظاهر، بل هو مناسبة لتجديد الروابط، وزيادة المحبة، وصلة الأرحام بشكل فعلي وواقعي، وليس فقط عبر وسائل التواصل الاجتماعي.

وقال الدكتور أحمد نبوي، خلال حلقة برنامج "منبر الجمعة"، المذاع على قناة الناس، اليوم الخميس: "زي ما بنطوف بأجسادنا حول الكعبة، لازم نطوف بأجسادنا حول أحبابنا، نزورهم، نعيد عليهم، نحيي العلاقات اللي أهملناها سنين. في ناس مش كفاية تسأل عنهم برسالة واتساب أو مكالمة تليفون، في ناس لازم تزورهم بنفسك، تروح بيتهم، تشوفهم، تسلم عليهم".

وأضاف أن وسائل التواصل الاجتماعي رغم أنها سهّلت التواصل، إلا أنها قللت من قيمة الزيارة المباشرة، مضيفا: "من الجميل إنك تبعت رسالة، لكن الأجمل إنك تزور، تتصافح الوجوه، وتتعانق الأرواح، ويكون العيد فرحة حقيقية مش بس افتراضية".

وشدد الدكتور نبوي على ضرورة إحياء سنة صلاة العيد، قائلًا: "أرجوكم ما نتكاسلش عن صلاة العيد، حتى لو سهرنا الليل كله، نكمّل للسنة المؤكدة دي اللي سيدنا النبي صلى الله عليه وسلم أوصانا بيها. حط نيتك من دلوقتي إنك هتصلي العيد، سواء في الساحة أو الجامع أو أقرب مكان ليك".

ووجه نداء خاص للشباب: "يا شباب، دي أيام مغفرة ورحمة، افرحوا واعيدوا، بس ما تنسوش حق ربنا، وصلة الرحم، وفضل صلاة العيد. اللي عايز ربنا يطوّل له عمره ويوسّع له رزقه، يتقِ الله ويصل رحمه.. ابدأوا العيد بصلاة، وبصلة، وبفرحة حقيقية من القلب".