والدة آسر ياسين تروى قصة حبها.. وموقف صعب حدث معها "فيديو"

تحدثت منى الدغيدى والدة الفنان آسر ياسين، عن قصة زواجها، قائلة:"تعرفت على زوجى أشرف وانا عمرى 3 سنوات، واتقابلنا كتير فى الصيف وبعدها اتفرقنا وبعد قصص كتير واتجوزنا، وحاليا بيجمع بينا دايما المودة والرحمة والطبطبة ومواقف حب حقيقية، وكان بيطبطب عليا وانا عيانة".

وأضافت منى الدغيدى خلال لقائها ببرنامج "صاحبة السعادة" الذى تقدمه الفنانة والإعلامية إسعاد يونس، على قناة dmc، أن الغرض الأول بعد الخلفة هو كيفية تربية أبنائى صح، وكنت باخد معاهم مشوار لمدينة نصر علشان يتعلموا رياضة".

وروت والدة آسر موقف صعب حدث لها فى أحد الأيام قائلة:"كنت مروحة الساعة 10 بالليل وانا سايقة العربية من مدينة نصر وقتها مكنتش المدينة زحمة وكان آسر معايا واخوه معايا فى سن صغير، وفجأة وانا ماشية تفاجأت بمطب وطرت عليه وكل اللمبات اللى فى العربية نورت، وربنا سترها معانا لحد ما وصلنا البيت".

ولفتت منى الدغيدى، إلى آن آسر بيحب عمله، وكنت هزعل من نفسى لو كنت مسمحتلوش بالتمثيل وانه يبقى مهندس وخلاص، وميحققش حلمه، وآسر دلوقتى هو اللى بيطبطب علينا انا وأشرف".