مخرج مسلسل فات الميعاد: لم أتوقع هذا النجاح.. وكل تركيزى كان على تقديم الأفضل

قال المخرج سعد هنداوي إن النجاح الكبير الذي حققه مسلسل فات الميعاد منذ عرض أولى حلقاته لم يكن متوقعًا بالنسبة له، مؤكدًا أن تركيزه أثناء العمل كان منصبًا على تقديم الأفضل في كل المراحل.

وأضاف خلال مداخلة هاتفية مع برنامج "هذا الصباح" الذى يعرض على قناة "اكسترا نيوز":"أنا مكنتش متوقع رد الفعل ده، وقت الشغل بيبقى كل تركيزي في كل مراحل العمل، من التحضير للتصوير للمونتاج، اللي لسه ممتد حتى دلوقتي. في وسط الزحمة دي الواحد بينسى يقعد يتوقع، مفيش رفاهية للتوقع، لكن أكيد كنت بتمنى إن العمل يوصل للناس ويحسوه زي ما إحنا حاسينه وإحنا شغالين فيه".

وتابع: "الناس بتتعلق بالحكايات اللي بتحس إنها تخصهم أو بتشبههم، وده بيخلي التفاعل الجماهيري كبير جدًا، حتى لو النوع مختلف، المهم إن المسلسل يلمس حياة الناس".

وأكد هنداوي أهمية وعي صناع العمل بالجمهور المستهدف، قائلاً: "لازم تبقى عارف إنت رايح لمين، وعايز توصله أنهي مشاعر ويفكر في إيه، من غير ما تقع في فخ الوعظ أو الرسائل المباشرة".