تامر عاشور عن علاقته بالملحن عمرو مصطفى: إتصالحنا ومافيش حاجة تستاهل

كشف النجم تامر عاشور، عن تطور علاقته بالملحن عمرو مصطفى خاصة بعد تعرضه لوعكة صحية ألمت به وخضوعه لجراحة لاستئصال ورم، قائلا:" كان فى شوية شد وزعل بيننا واتصالحت معاه واضحكنا وهزرنا الحمد لله".

وأضاف تامر عاشور خلال استضافته فى برنامج "صاحبة السعادة" الذى تقدمه الفنانة والإعلامية إسعاد يونس على شاشة dmc، أنه بعد اللى حصل مع عمرو اتعلمت إن مافيش حاجة تستاهل خاصة لما بنلاقى حد نعرفه تعب، ومش مستاهلة خالص المناوشات وندب فى بعض مهما كان مين الغلطان، ولو الموقف اتعكس معايا هلاقيه يزورنى". 

ولفت تامر عاشور إلى أن الشعب المصرى بيقيم الأغانى والفنانين بزيادة وده علشان عندنا فى كل ركن فنان وموهوبين، وفى الشواع ممكن تلاقى حد ماشى وصوته حلو، وهو شعب معلم فى السمع وصعب تعدى عليه حاجة وحشة".

وتألق النجم تامر عاشور مؤخرًا من خلال حفل فى الشيخ زايد من تنظم شركة "تذكرتي" فى إطار جهودها المستمرة لتنشيط الحركة الفنية، وتقديم عروض ترفيهية راقية بمستوى عالمى فى مختلف المحافظات المصرية، وذلك ضمن فعاليات مشروع "ليالى مصر" الثقافي.