فدوى عابد لصاحبة السعادة: كل ما الناس تشتمنى فى "وش وضهر" بحس بسعادة كبيرة

استضافت الفنانة والإعلامية إسعاد يونس من خلال برنامج "صاحبة السعادة" المذاع على قناة "dmc"، مجموعة من نجوم الدراما الجدد، وأهم الوجوه الصاعدة.

وقالت الفنانة فدوى عابد:" انا خريجة كلية تربية فنية جامعة حلوان، وبعدها عملت فى شركات، واترقيت فى شركات كثيرة، وبقى عندى مول ومحلات، وده عمل شاق قعدت فيه سنين، وبعدها قدمت مسلسل "سابع جار" مع المخرجة هبة يسرى وهى اللى طلبت منى التمثيل".

أضافت فدوى عابد :"فى أول تصوير ليا كنت هموت من الرعب وقلت للمخرج انتوا كده بتعملوا مصيبة، وبعدها اشتغلت فيلم "يوم وليلة" وريحت بعد كورونا، وبتجيلى أعمال لكن مبحبش أكرر الأعمال، وبعدها سددت ديونى وشيلت شوية فلوس ليا".

تابعت فدوى عابد:" قدمت مسلسل "وش وضهر" مع المخرجة مريم أبو عوف، والناس كانت بتشتمنى فيه على الدور اللى قدمته فى شخصية "مايسة" وكل ما حد بيشتمنى بحس بسعادة كبيرة".

وتحدثت عن حياتها قائلة:"مبردش على تليفونات بعد 11 ليلان وبقفله بقى عاوزة أنام، وبقفل الراوتر وانا نايمة، وابنى بيتريق عليا طول الوقت من اللى بعمله ده".  

تأتي الحلقة كعادة "صاحبة السعادة" في بداية كل موسم لتقدم لجمهورها أبرز الوجوه والنجوم الواعدة في عالم الدراما على مدار العام وليس خلال شهر رمضان فقط، على اعتبار أن دراما "الأوف سيزون" أصبحت تستقطب عددا كبيرا من الجمهور، وهناك العديد من المسلسلات التي حققت نجاحًا كبيرًا بعيدًا عن الشهر الفضيل، وبرزت خلالها مجموعة كبيرة من الوجوه الشابة الواعدة التي تثبت أن فيض المواهب المصرية لا ينضب في كافة المجالات.