منى الشاذلى: علا الشافعى قالتلى شوفوا ولاد الشمس على ضمانتى

قال الفنان طه دسوقى، صاحب شخصية "مفتاح" فى مسلسل "ولاد الشمس"، إن أحمد مالك خجول، وربنا كرمنا بالمسلسل وده لعبة جماعية، وانا اتعرفت على مالك فى الشغل، وكنت بكلم مالك من زمان ان احنا عاوزين نشتغل مع بعض، وكانت عندى الفكرة دى لأن حاسس إن كلنا كشباب ممكن كل واحد فينا يضيف للى معاه بنفس حلوة وصافية".

أضاف طه دسوقى خلال حلوله ضيفا ببرنامج "معكم منى الشاذلى" الذى تقدمه الإعلامية منى الشاذلى على قناة on، فى الوقت ده قلنا اللى عندى يرج لمالك واللى عند مالك ييجى عندى، ومش وقته ان كل واحد يبقى ليه الحاجة الخاصة بيه".

وقالت منى الشاذلى: "الكاتبة الصحفية علا الشافعى، رئيس تحرير جريدة "اليوم السابع"، ومسئول المحتوى الدرامى فى الشركة المتحدة، قالت فى لقاء معايا: "اتفرجوا على ولاد الشمس على ضمنتى".

ويسلط العمل الضوء على عالم دور الأيتام وما يتسبب به، من خلال شخصية ولعة ومفتاح، اللذين نشآ فى دار أيتام وما زالا يعيشان داخل الدار حتى بعد بلوغهما السن القانونية للخروج منها، وهما شخصان مختلفان فى الطباع وطريقة التفكير، ومع مرور الوقت يدخلان فى صراعات مع صاحب الدار بعدما كان يعملان فى السرقه لصالحه.
مسلسل ولاد الشمس بطولة أحمد مالك وطه دسوقي، محمود حميدة، معتز هشام، مريم الجندى، فرح يوسف، فليكس، جلا هشام، وعدد آخر من الفنانين، وهو من تأليف مهاب طارق، وإخراج شادي عبد السلام، وإنتاج شركة United Studios.