قال الفنان مصطفى غريب إن أحمد مكى هو وش الخير والسعد عليا وعلى ناس كتير جدا وبدايتى معاه كانت في مسرحية كانت قبل الكورونا على طول، وعرفنا فيها، وكان يقعد معانا ويزود في مشاهدنا وكان يعمل شغله ويمشى وبعد الكورونا كان في اختفاء لمدة سنة وبعد سنة ونصف مكتب كلمنا وكان إعلان وخدوا 3 كنت واحد منهم.
وأضاف خلال لقائه ببرنامج صاحبة السعادة مع الفنانة إسعاد يونس المذاع على قناة DMC : وبعدين كلمونى على مسلسل الكبير وعملنا أوديشن على دور العترة في الكبير 6، وأخدت دور العترة وكان أكبر الأدوار المكتوبة.
وتابع: كانت بدايتى بمعرفة رحمة أحمد في الكبير 6 وحاتم، ولوكيشن الأستاذ مكى والأستاذ جندي مافيهوش تنشنة، وكان أحمد مكى أكتر واحد بيتعب وكنا بنقعد وقت كبير جدا لدرجة إننا عرفنا حاجات عن بعضنا نقدر نفضح بعضنا أنا ورحمة وأستاذ جندي عرفنا عنه حاجت ماكانش المفروض نعرفها عنه.
وأكمل: خالة أمى الله يرحمها كانت دائما تجيبلى شيبسى وسط العيال وتدلعنى وتجيبلى الحاجات دى كلها فسمونى عجل ستو علشان كانت دائما تدلعنى.
