فيسبوك
واتساب
قالت الدكتورة إيمان عباس، الاستشارى التربوى وتعديل السلوك، إن كثيرًا من الأمهات والآباء يشعرون فجأة بأن أبناءهم "اتغيروا"، وكأنهم لم يعودوا نفس الأطفال الذين كانوا يطيعون الأوامر بلا نقاش.
وأضافت الاستشارى التربوى وتعديل السلوك، خلال حوار مع الإعلامية مروة شتلة، ببرنامج "البيت"، المذاع على قناة الناس، اليوم الأربعاء، أن "سن المراهقة" هو بالفعل مرحلة انتقالية معقدة، يبدأ فيها الأبناء – خاصة الذكور – فى البحث عن هويتهم الخاصة، وهو ما قد يظهر فى تغييرات واضحة مثل شكل قصة الشعر أو طريقة اختيار الملابس، ويصبح لهم رأى مستقل لأول مرة.
وأوضحت: "الأهل بيتخضوا لأنهم بيبقوا فاكرين أن الولد ضاع أو البنت راحت، بس هو ده الطبيعى فى المرحلة دى، وإن شاء الله مش هيفضلوا يقلدوا السوشيال ميديا طول عمرهم".
واستكملت: "أول خطوة لازم نعملها كأهل إننا نفهم ونوعى نفسنا بالمرحلة دى، وده هيغيّر رد فعلنا، وبدل ما نبقى بنزعق وننفعل، هنبقى بنتصرف بحكمة".
وأضافت: "فى حاجات لازم نعديها التغافل الذكى، عشان نعرف نقف عند اللى ما ينفعش يتعدى، يعنى لما حاجة تخبط فى القيم بتاعتى، أو حاجة عيب أو حرام أو ما تنفعش فى بيتنا، أبدأ أتكلم".
وشددت على أهمية الحوار قائلة: "أنا مش ضدهم، ولا بغلس عليهم، أنا بس خايفة عليهم، ولما أقول كده هم ممكن يزعلوا، بس الكلام بيوصل، حتى لو راحوا عملوا الحاجة من ورايا".
واختتمت بقولها: "العلاقة اللى بينى وبين ابنى أو بنتى هى اللى بتحميهم بعد كده، ولازم أبدأ أبنيها من بدرى، من أول ٨ سنين كده، وأكون واعية إمتى أطنش وإمتى أقف.. وأقف على اللى يستأهل".
