محمد الشرنوبى: التمثيل شغلانة صعبة وشخصيتى فى "إقامة جبرية" مستفزة

روى الفنان محمد الشرنوبى أهم المشاهد التى قدمها وسببت ضغوطا عليه، قائلا: "كنت بصور فى الحطابة شخصية الشيخ يحيى فى مسلسل (فاتن أمل حربى)، وكان الجو حار فى رمضان، وجه مشهد خناقة مع الشيخ عبد اللطيف وكان النقاش حادا وبتكلم بالأحاديث واللغة العربية وكل تركيزى وأنا صايم ودى مهنة صعبة ومجهدة".

وأضاف محمد الشرنوبى، خلال حلوله ضيفا ببرنامج "السهرة"، المذاع على قناة سى بى سى: "دايما بقرأ الموضوع والرواية بشكل كامل مش بركز فى دورى فى البداية، والحاجة اللى مش هعرف أكملها يبقى مش هتبقى حلوة معايا، وبعد ما أقرأ الورق عدة مرات بركز على شخصيتى".

ولفت محمد الشرنوبى إلى أن "مسلسل إقامة جبرية ودورى فى شخصية موسى مستفزة، وأنا كموسى حبيت البطلة، وأنا مؤمن بأن شكل الخناقات مهمة فى العلاقات ولازم تكون قايمة على الاحترام، ومافيش حد بيتغير بعد الجواز لكن هى الظروف اللى بتغير، والعيب بيكبر مع السن والعشرة، واختيار الشريك لازم يكون بتأنى".