الموسيقار عادل حقى: "وتقابل حبيب" و"حكيم باشا" أقرب الأعمال إلى قلبى

أكد الموسيقار عادل حقي، أن الفصل فى تقديم أعمال درامية متنوعة شئ صعب، ومسلسل حكيم باشا بدأت التصوير فيه العام الماضى، وأخد منى شغل كتير، وده رابع مسلسل صعيدى أقدمه، وأول عمل ليا كان "نسر الصعيد"، ووضعت نفسى فى تحدى وكل مرة بيكون أصعب".

وأضاف عادل حقي خلال مداخلة لبرنامج "العيد فرحة" المذاع على قناة dmc: بخلى الناس تسأل مين عمل الموسيقى التصويرى وده بيخلينى أنجح، وانا بيجيلى وحى الشغل لما بسمع الحدوتة والقصة فى الأول وببنى فكرة على الشغل اللى هعمله، وبدور على الجديد وهيتعمل إزاى".

أوضح عادل حقى، أن مسلسل حكيم باشا بدأته فى نوفمبر الماضى وأخد شهرين منى، وأصعب حاجة بداية طرف الخيط، والباقى بيكون سهل، وأقرب أعمال إلى قلبي مسلسلى "حكيم باشا وتقابل حبيب"، علشان كنت عاوز أرجع للرومانسية وده اللى عملته فى وتقابل حبيب، مؤكدا، فى كيميا بينى وبين الفنان مصطفى شعبان".