" أنا اشتغلت في مهنة الساعات من 50 سنة يعني عمري وقتها كان 12 سنة ونزلت اتعلمت في، ممر فى العتبة اللي كل المحلات فيه لها تاريخ طويل ومع الوقت فتحت محل تصليح وبيع ساعات" بهذه الكلمات بدأ محمد هاشم يروي لليوم السابع حكايته مع الساعات.
وأضاف محمد : " أنا في الشغلانة دى من وأنا لسة عيل صغير واتعلمت أصول المهنة في محل في ميدان العتبة وكان بيعلمني إزاي أغير الاستيك للساعة وواحدة واحدة قدرت أعرف كل كبيرة وصغيرة في تصليح الساعات وبعدها قررت اتخصص في تصليح الساعات المعدن .
واضاف محمد قائلا متعتي في تصليح الساعات القديمة مش ساعات الأيام دي عشان كل عقرب في القديم له شغل وفن ومتعة خاصة بعد تصليح الساعات وفرحة الزبائن بتصليحها عشان دي ساعات نادرة جداً وغالية في نفس الوقت عندهم كذكري بيحبوها تفضل معاهم .
