الإلهامات الربانية وأهميتها على النفس البشرية.. مصطفى حسني يوضحها فى "نفوس"

تحدث الداعية الإسلامى مصطفى حسنى، برنامجه "نفوس" فى الحلقة الرابعة له خلال شهر رمضان على شاشة قناة on، عن معنى الإلهامات الربانية وأهميتها على النفس البشرية.

وقال مصطفى حسنى:" الإلهامات الربانية وحى من الله وفكرة تُلقى فى قلب إنسان مش نبى وتثبته على الحق، وهى أحد جنود ربنا الخفية، التى يشجعك بها الله على أن تثبت على طريقه فى مواجهة أفكار نفسك السلبية ووساوس الشيطان اللى فيها شهوة وغضب وشك وخوف، وتيجى الأفكار من الله هتلاقى نفسك بتكمل وربنا هيوفقك".
 
ولفت مصطفى حسنى إلى أن العبد يحتاج لأن تكون نفسه فى حضور مع الله علشان يقدر يفهم الإلهامات والواردات اللى بتجيله، وهناك 3 حاجات لو عملتهم هتفهم عن ربنا الواردات أولها أنك تعرف إنها موجودة وربنا بيكلمك وبيوحيلك، والثانية محتاج لأن يكون قلبك كثير النقاء، والثالثة هى إن الأفكار اللى بيرميها ربنا فى قلبك ويثبتك على الحق كلها أفكار متسقة مع الشريعة".