شوف إسلام فوزى أدى جايزة المستمع المثالى لمين فى "حكيم باشا"؟.. فيديو

قال إسلام فوزى، خلال سخريته بأسلوب كوميدى فى برنامج "استلام فورى" المذاع على قناة cbc: "أنا هدى جايزة المستمع المثالى، وعشان كده بحثت وفحصت ملقتش غير ابن حكيم باشا "نوح" الصغير فى مسلسل حكيم باشا، واللى بيسمع ميعرفش يتكلم".

أوضح إسلام فوزى: "الواد فى اللفة لسه صغير مكملش شهر، لكن فيه إصرار عجيب من كل أبطال المسلسل إن هما يكلموه، ومن ساعة ما ظهر الكل عاوز يفضفض معاه، لدرجة إنى حاسس إن ودن الواد كبرت قبل أوانها يا حرام".

تابع إسلام فوزى: "نوح" أهدى رضيع شفته فى حياتى بره وجوه المسلسل، مشفتوش بيعيط غير مرة واحدة"، مشيرا إلى أن حكيم باشا مش بس بيكلم الرضيع دا كمان بيكلم المومياوات، وبكده هندى جايزة المستمع المثالى مناصفة بين طفل عنده شهر وطفل تانى عنده 7 آلاف سنة".

وقبل ذلك أطلق بودكاست إسلام فوزى يكشف أسرار السوشيال ميديا بروح شبابية تناسب طبيعة الأجيال الشابة في التعامل مع المحتوى الإعلامي على المنصات الرقمية، ويقدم باقة متنوعة من الموضوعات الشبابية، ويقدم بخفة ظل روحًا جديدة للبرامج الاجتماعية ذات تصنيف "اللايت كوميدي".