طلب غريب من فتاة ببنى سويف من مدفع رمضان ..وشوف رمضان قالها إيه.. فيديو

طالبت إسراء توفيق توفيق، من محافظة بنى سويف، من خلال حلمها التى وضعته فى "سيارة الأحلام" التى يقدمها الفنان محمد رمضان ببرنامج "مدفع رمضان" أن تسافر وتقابل الفنان محمد رمضان.

ورد محمد رمضان:"دنا أروحلك لحد عندك يا إسراء، ومحمد رمضان شايلك هدية، إن شاء الله تسافرى وتقابلينا فى مدينة الإنتاج الإعلامى، وهتشرف إنى أشوف إسراء بنت بنى سويف الغالية، وتحياتى للعيلة والأهل والأحباب، ومبروك ليكى وفى انتظارك، وبعد الدقايق والثوانى والساعات على لقاكى إن شاء الله".

وقال الفنان محمد رمضان، خلال تقديم برنامجه "مدفع رمضان" المذاع على قناة dmc، فى الحلقة الـ 22 من البرنامج فى فقرة "سيارة الأحلام" هنختار حلمين، واحد هيكسب دلوقتى والتانى هيكسب ليلة العيد مليون جنيه بإذن الله".

وأضاف محمد رمضان: "سيارة الأحلام" جابتلنا أحلام من محافظة بنى سويف، وهنختار منهم حلمين واحد هيتحقق دلوقتى والتانى فى ليلة العيد".

وكان الفنان محمد رمضان، قال إن برنامج "مدفع رمضان" تم صناعته بمحبة كبيرة للشعب المصري، كاشفًا عن أنه قال للشركة المتحدة للخدمات الإعلامية عند تعاقده على تقديم هذا البرنامج: "أنا جاهز أروح كل شبر في مصر علشان نفرح الناس".