إسلام فوزي قفش مسلسل قهوة المحطة وماسابوش في حاله

استعرض إسلام فوزى، فى الحلقة الـ 19 من حلقات برنامج "استلام فورى" المذاع على قناة cbc، عن نجوم دراما رمضان 2025، بطريقة كوميدية مسلسل "قهوة المحطة" قائلا:" بيحكى عن واحد اسمه محمد قاعد فى القهوة دى اللى فى رمسيس بيكتب كل ساقطة ولقطة بتحصل فى القهوة، وعن طريقه بنتعرف على باقى الشخصيات، أهمهم المعلم رياض ومؤمن الصاوى، والأخير شاب من الصعيد بيحب التمثيل قرر إنه ينزل القاهرة لعمل اختبار لفيلم".

وعرض إسلام فوزى، مشهدا لمؤمن الصاوى يستقل القطار متجها للقاهرة، وهو يؤدى مشهدا تمثيليا أمام كاميرا التليفون الخاص به، وتعلق عليه سيدة داخل القطار بسخرية.

وأكد إسلام فوزى أن أصعب حاجة الستات الكبيرة اللى دايما مركزين فى حياتك، تبقى ماسك شنطة سودة طالع بيها تحس أنها باصة جوه روحك مش جوه الشنطة، ودايما مقتنعين إنك لازم تعيش عيشة أهلك، لافتا إلى أن المسلسل بادىء بقضية قتل وغموض وشكلنا هنقعد ندور على القاتل باقى الـ 15 حلقة.

وقبل ذلك أطلق بودكاست إسلام فوزي يكشف أسرار السوشيال ميديا بروح شبابية تناسب طبيعة الأجيال الشابة في التعامل مع المحتوى الإعلامي على المنصات الرقمية، ويقدم باقة متنوعة من الموضوعات الشبابية، ويقدم بخفة ظل روحًا جديدة للبرامج الاجتماعية ذات تصنيف "اللايت كوميدي".