فاجأ الفنان محمد رمضان، خلال تقديم برنامجه "مدفع رمضان" المذاع على قناة dmc، فى الحلقة الـ 16 من البرنامج، الكابتن إبراهيم شيكا، باتصال هاتفى للاطمئنان على حالته الصحية.
وعبر إبراهيم شيكا عن فرحته بالاتصال قائلا:"يا محمد رمضان يا نمبر وان يا عسل، دعوات الناس اللى موقفانى على رجلى ومتحمل الوجع اللى محدش بيتخطاه".
ورد عليه محمد رمضان:" انت هتتخطى المحنة دى على خير، هتتخطاها ولكل جواد كبوة وربنا يبدى الابتلاء على قدر استطاعة الشخص وهتتخطاه إن شاء الله وشعب مصر كله هيدعيلك فى التراويح وقيام اللى وهترجع تمتع جمهورك وعشاق كرة القدر".
وأكد شيكا:" أنا سعيد إنى بكلمك دلوقتى والحمد لله بتعالج وكنت فى الرعاية 9 أيام وخرجت أمس".
ووعد الفنان محمد رمضان، الكابتن إبراهيم شيكا، بزيارته، فرد عليه :"مستنى نمبر وان نخرج مع بعض، فقال له رمضان:"يمكن أجيلك النهاردة بعد الحلقة وبتشرف وقلبنا معاك عاوزين بطل فى مواجهة التعب".
وأبلغ محمد رمضان، الكابتن بتقديم شئ له قائلا :"بلدك بتديك شئ بسيط من مدفع رمضان إنتاج الشركة المتحدة لابن بلدنا وأخونا ومش هنفصح عنه، وأهم حاجة إرادتك وقوتك وصلابتك وهشوفك النهاردة إن شاء الله، وربنا يطمنا عليك وانت هتتخطى المحنة دى على خير، موجها رسالة للجمهور مش هوصيكم عليه وربنا يعينه ويعين عيلته ويفرحنا بشفاه إن شاء الله".
وأكد الكابتن شيكا:"الحمد لله كله هيعدى ويفوت وزى ما ربنا بيدى الداء هيدى الدواء، ثقة فى الله هخف وبحبك يا حبيشة بحبك يا أستاذ محمد".
وكان الفنان محمد رمضان، قال إن برنامج "مدفع رمضان" تم صناعته بمحبة كبيرة للشعب المصرى، كاشفًا عن أنه قال للشركة المتحدة للخدمات الإعلامية عند تعاقده على تقديم هذا البرنامج: "أنا جاهز أروح كل شبر في مصر علشان نفرح الناس".
واحتفى الفنان محمد رمضان، خلال تقديم برنامجه مدفع رمضان المذاع على قناة dmc، فى الحلقة الـ 16 من البرنامج، بالفائزين فى الحلقة السابقة من البرنامج.
والفائزون هم 100 ألف جنيه لصاحب الاسم المختلف وهو "بسنتى"، والسعيد زكريا أحمد مركز دكرنس الدقهلية، الفائز بتليفون محمول، وسعيد محمد عبد الحميد من مركز الزقازيق محافظة الشرقية، الفائز بـ 200 ألف جنيه فى مسابقة التليفون العشوائى، وسمير محمد فكرى من أشمون المنوفية، الفائز بـ 300 ألف جنيه فى إجابة سؤال الحلقة، و100 ألف جنيه لبائع الذرة".
واهدى الفنان محمد رمضان، 100 ألف جنيه لمن يسمى 5 أسماء من أغانى كوكب الشرق أم كلثوم، وكانت الجائزة مناصفة بين شخصين بعد أن أجابا على السؤال، وسمح رمضان لأحدهما بإلقاء شعر بعد أن طلب من رمضان ذلك.
وبشر محمد رمضان، صاحب رقم التليفون العشوائى محمد سليم من القاهرة، بفوزه بـ 200 ألف جنيه، كما فازت ليلى قرنى خليل، من قرية الإعلام بمحافظة الفيوم برحلة "عمرة" فى مسابقة "سيارة الأحلام".
وأهدى 100 ألف جنيه لأحد عمال الترحيلات، يدعى طه من محافظة المنيا، موجها كلمات إشادة له قائلا:" أنت راجل مكافح وعظيم ومبتمدش إيدك لحد، وراجل طالع تشتغل ونموذج فخورين بيك، انت الملك النهاردة، والبسه تاج الملك، وغنى معه مدفع رمضان ورقص أمامه".
وطرح محمد رمضان سؤال الحلقة قائلا: "حلقة النهاردة اتقال فيها كام مرة نمبر وان والأخيرة فيها محسوبة؟ والإجابة تبعتها على sms على رقم 2345.
وكان الفنان محمد رمضان، قال إن برنامج "مدفع رمضان" تم صناعته بمحبة كبيرة للشعب المصرى، كاشفًا عن أنه قال للشركة المتحدة للخدمات الإعلامية عند تعاقده على تقديم هذا البرنامج: "أنا جاهز أروح كل شبر فى مصر علشان نفرح الناس".
